၁၉ စက်တင်ဘာ
ဗြိတိန်နိုင်ငံခြားရေးဝန်ကြီးရဲ့ ကိုယ်ရံတော်ဟာ လေယာဉ်ပေါ်မှာ သေနတ်မေ့ကျန်ခဲ့တဲ့အတွက် တာဝန်တွေမှာ ရပ်ဆိုင်းခံရကြောင်း သိရပါတယ်။ နိုင်ငံခြားရေးဝန်ကြီး ဒိုမစ်နစ်ရပ် ဟာ အမေရိကန်နိုင်ငံကနေ သောကြာနေ့ နံနက်အစောပိုင်းက လန်ဒန်မြို့ရှိ ဟီးသရိုးလေဆိပ်ကို ပြန်လည်ရောက်ရှိလာခဲ့ပါတယ်။
နိုင်ငံခြားရေးဝန်ကြီးဟာ အမေရိကန်နိုင်ငံရေးဝန်ကြီး မိုက်ခ်ပွန်ပီယိုနဲ့ အမေရိကန်အောက်လွှတ်တော်ဉက္ကဋ္ဌ နန်စီပလိုစီနဲ့ တွေ့ဆုံခဲ့ပါတယ်။
နိုင်ငံခြားရေးဝန်ကြီးရဲ့ ကိုယ်ရံတော်တစ်ယာက်ဟာ ကျည်အပြည့်ဖြည့်ထားတဲ့ semi-automatic ပစ်စတိုတစ်လက်ကို လေယာဉ်ပေါ်မှာ ကျန်ခဲ့တာဖြစ်ပါတယ်။ အဲဒီသေနတ်ကို လေယာဉ်သန့်ရှင်းရေး လုပ်သားတစ်ဦးက သောကြာနေ့မှာပဲ တွေ့ရှိခဲ့တာဖြစ်ပါတယ်။
လန်ဒန်ရဲတပ်ဖွဲ့ရဲ့ ပြောခွင့်ရသူက စက်တင်ဘာ ၁၈ ရက်နေ့က ကိစ္စကိုသိရှိကြောင်း၊ အဲဒီကိစ္စကို အသေအချာ ကိုင်တွယ်နေကြောင်း၊ အဲဒီအရာရှိကိုလည်း တာဝန်မှာ ရပ်စဲထားကြောင်း ပြောပါတယ်။
နိုင်ငံခြားရေးဝန်ကြီးဌာနရဲ့ တုံ့ပြန်ချက်တော့ မရရှိသေးကြောင်း သိရပါတယ်။
MDN
ကိုးကား - AFP
