ပြည် ၂၅ ဇန်နဝါရီ
ပဲခူးတိုင်းဒေသကြီးဝန်ကြီးချုပ်ဦးဝင်းသိန်းသည် ပြည်မြို့နယ်မှ လွှတ်တော်ကိုယ်စားလှယ်များ၊ ဌာနဆိုင်ရာတာဝန်ရှိသူများနှင့်အတူ ဇန်နဝါရီ ၂၄ ရက် ညနေ ၅ နာရီခွဲက ပြည်မြို့နယ် သစ်ချီတင်အုပ်စု သစ်ချီတင်ကျေးရွာ ဘုန်းတော်ကြီးကျောင်း အရှေ့ဘက်၌ နဝင်းချောင်းရေတိုက်စားမှုကြောင့် မြေပြိုကျခဲ့သည့်နေရာကို လာရောက်ကြည့်ရှုစစ်ဆေးခဲ့ကြောင်း သိရသည်။
အဆိုပါနေရာတွင် လွန်ခဲ့သော ရက်၂၀ခန့်က နဝင်းချောင်းရေလှိုက်စားမှုကြောင့် ပေ ၃၀ဝ ခန့် မြေပြိုကျမှုဖြစ်ပွါးခဲ့ခြင်းဖြစ်ကြောင်း သိရပြီး တိုင်းဒေသကြီးဝန်ကြီးချုပ်က အဆိုပါမြေပြိုကျမှုနှင့် ပတ်သက်၍ ကျေးရွာပြည်သူများနှင့် တွေ့ဆုံအားပေး စကားပြောကြားကာ ဆက်လက်ဆောင်ရွက်မည့် အစီအမံများကို တာဝန်ရှိသူများနှင့် ပေါင်းစပ်ညှိနှိုင်း ဆောင်ရွက်ပေးခဲ့ကြောင်း သိရသည်။
မျိုးကျော်ကြီး(ပြန်/ဆက်)