မော်လမြိုင်ကျွန်း ၄ ဇန်နဝါရီ
မော်လမြိုင်ကျွန်းမြို့၊ အာရောဂျံ လူမှုကူညီရေး အသင်းကြီး၏ (၇) နှစ်ပြည့် နှစ်ပတ်လည်နေ့ အထိမ်းအမှတ်အဖြစ် မြို့နယ်လုံးကျွတ် ဆွမ်းဆန်စိမ်း လောင်းလှူပွဲကြီးကို ဇန်နဝါရီလ ၄ ရက် မွန်းလွဲ ၃ နာရီက အာရောဂျံအသင်း ရုံးရှေ့တွင် ကျင်းပသည်။
မြို့ပေါ်ရှိ သံဃာတော်အရှင်မြတ်များနှင့် သီလရှင်ဆရာကြီး၊ ဆရာလေးများအား ဆွမ်းဆန်နှင့် လှူဖွယ်ဝတ္ထုစုံလင်စွာဖြင့် ကြည်ညိုသဒ္ဒါတရား ထက်သန်စွာ လောင်းလှူပူဇော်ကြပါသည်။
အဆိုပါဆွမ်းဆန်စိမ်း လောင်းလှူပွဲသို့ ဌာနဆိုင်ရာများ၊ အသင်းအဖွဲ့များနှင့် မြို့ပေါ်ရှိ ပြည်သူအလှူရှင်များမှ အာရောဂျံ လူမှုကူညီရေးအသင်းရုံးရှေ့မှ မဟာဗန္ဓုလ လမ်းမကြီး တစ်လျောက် အလှူခံမဏ္ဏပ်များတွင် စည်ကားသိုက်မြိုက်စွာ လောင်းလှူကြကြောင်း သိရသည်။
(သတင်းစဉ်)