ဖျာပုံ ၅ သြဂုတ်
ဧရာဝတီတိုင်းဒေသကြီး ဖျာပုံခရိုင် အမာမြို့ ဘဝသစ်ကျေးရွာအုပ်စု၊ဂေါ်ဒူကျေးရွာတွင် သြဂုတ် ၃ ရက် မွန်းလွဲပိုင်းမှစတင်ကာ ရုတ်တရက် လေပြင်းတိုက်ခတ်ပြီး ပင်လယ်ရေမျက်နှာပြင် မြင့်တက်မှုကြောင့် လူနေအိမ်များ ပြိုကျပျက်စီးမှုဖြစ်ပွားခဲ့ရာ ယခုအချိန်ထိလူနေအိမ် (၁၀)လုံးခန့် ပြိုကျပျက်စီးခဲ့ကြောင်း သိရသည်။
ထိုသို့ လေပြင်းတိုက်ခတ်ပြီး ပင်လယ်ဒီရေမြင့်တက်၍ ရေလှိုင်းရိုက်ခတ်မှုကြောင့် ဂေါ်ဒူကျေးရွာတွင်လူ၊ တိရိစ္ဆာန် ထိခိုက်သေကြေ ပျက်စီးမှုမရှိကြောင်းနှင့် လေပြင်းတိုက်ခတ်ပြီး ပင်လယ်ဒီရေမြင့်တက်၍ ရေလှိုင်းရိုက်ခတ်မှုကြောင့် ဓနိမိုး၊ ဓနိကာ၊ ပျဉ်ခင်း၊ လူ နေအိမ်(၅)လုံးနှင့် ဓနိမိုး၊ ဓနိကာ၊ ဝါးခင်း၊ လူနေအိမ်(၅)လုံး စုစုပေါင်း လူနေအိမ်(၁၀) လုံး ပြိုကျပျက်စီးခဲ့ကြောင်း သိရသည်။
သဘာဝဘေးကြောင့် ပျက်စီးသွားသောအိမ်ထောင်စု (၁၀)စု၊ လူဦးရေကျား(၁၃)ဦး၊ မ(၂၁)ဦး၊ ပေါင်း (၃၄)ဦးမှာ ၎င်းတို့၏ ဆွေမျိုးများထံတွင် ပြောင်းရွှေ့နေထိုင်လျက်ရှိကြောင်း သိရသည်။
အောင်ဝင်းနိုင်( ခရိုင်ပြန်/ဆက်)