မော်လမြိုင် ၂၂ မေ
ဒုတိယအကြိမ် မွန်ပြည်နယ်လွှတ်တော် (၁၆)ကြိမ်မြောက် ပုံမှန်အစည်းအဝေး (ဒုတိယနေ့)ကို ယနေ့နံနက် ၁၀ နာရီက မော်လမြိုင်မြို့ ပြည်နယ်လွှတ်တော်ရုံး အစည်းအဝေးခန်းမ၌ ကျင်းပရာ ပြည်နယ်လွှတ်တော် ကိုယ်စားလှယ်(၄)ဦးက ကြယ်ပွင့်ပြ မေးခွန်း(၅)ကို မေးမြန်းရာ သက်ဆိုင်ရာ မွန်ပြည်နယ်အစိုးရအဖွဲ့ ဝန်ကြီးများက ပြန်လည်ဖြေကြားသည်။
ထို့နောက် မွန်ပြည်နယ်၏ ၂၀၂၀-၂၀၂၁ ခု၊ ဘဏ္ဍာရေးနှစ် ဘဏ္ဍာငွေအရအသုံးဆိုင်ရာ လျာထားချက်နှင့် စပ်လျဉ်း၍ အမည်စာရင်း တင်သွင်းထားသော လွှတ်တော်ကိုယ်စားလှယ်(၅)ဦးမှ အကြံပြု ဆွေးနွေးပြီး သက်ဆိုင်ရာဝန်ကြီးမှ ပြန်လည်ရှင်းလင်းဆွေးနွေးခဲ့သည်။
ယင်းနောက် မွန်ပြည်နယ်၏ ၂၀၂၀-၂၀၂၁ ခု၊ ဘဏ္ဍာရေးနှစ် ဘဏ္ဍာငွေအရအသုံးဆိုင်ရာ လျာထားချက်နှင့် စပ်လျဉ်း၍ ပြည်နယ်လွှတ်တော်၏ အဆုံးအဖြတ်ရယူရာ လွှတ်တော်ဥက္ကဋ္ဌက အဆိုပါလျာထားချက်ကို အတည်ပြုကြောင်း ကြေညာပြီး ဒုတိယအကြိမ် မွန်ပြည်နယ်လွှတ်တော် (၁၆)ကြိမ်မြောက် ပုံမှန်အစည်းအဝေး (ဒုတိယနေ့) ကို ရပ်နားခဲ့ကြောင်း သိရသည်။
ခရိုင်(ပြန်/ဆက်)
