နေပြည်တော်၊ ၁၇ ဇန်နဝါရီ
ရှမ်းပြည်နယ်မြောက်ပိုင်း လားရှိုးမြို့နယ်တွင် ငွေကျပ်သိန်း ၂၄၀၀ ကျော်တန်ဖိုးရှိ ဘိန်းဖြူများဖမ်ဆီး ရမိခဲ့ကြောင်း မြန်မာနိုင်ငံရဲတပ်ဖွဲ့၏ သတင်းထုတ်ပြန်ချက်အရ သိရသည်။
ယင်းထုတ်ပြန်ချက်တွင် မူးယစ်ဆေးဝါးတားဆီးနှိမ်နင်ရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့ သည် သတင်းအရ ဇန်နဝါရီ ၁၆ ရက်မွန်းတည့် ၁၂ နာရီခန့်တွင် လားရှိုးမြို့ နယ်၊ နောင်လိုင်ကျေးရွာအနီး၊ လားရှိုး-နမ္မတူသွားကားလမ်းတွင် လားရှိုးမြို့ဘက်မှ နမ္မတူမြို့ဘက်သို့ အိုက်မာန်မောင်းနှင်လာသည့် မော်တော်ယာဉ်ကို ရပ်တန့်စိစစ်ရာ ငွေကျပ်သိန်း ၂၄၀၀ တန်ဖိုးရှိဘိန်း ဖြူ ၁၆ ဒသမ ၅ ကီလိုကို သိမ်းဆည်း ရမိခဲ့သဖြင့် အိုက်မာန်(၂၅)နှစ်အား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရ အရေးယူထားပြီး သိမ်းဆည်းရမိသော ဘိန်းဖြူများမှာ လားရှိုးမြို့နယ်မှ မန်တုံမြို့နယ်သို့ သယ်ဆောင်၍ မန်တုံ-မိုးမိတ်-ကချင်ပြည်နယ်သို့ သယ်ယူရောင်းချမည်ဖြစ်ကြောင်း သိရသည်။
သတင်းစဉ်
