လေးမျက်နှာ ဇွန် ၂၅
ဧရာဝတီတိုင်းဒေသကြီး၊ ဟင်္သာတခရိုင်၊ လေးမျက်နှာမြို့နယ် ကျေးလက်လမ်း ဖွံ့ဖြိုးရေး ဦးစီးဌာနမှ ကညင်သောင်-မြစ်ကျိုးလမ်းကွန်ကရစ်လမ်းအား စမ်းသပ်စစ်ဆေးခြင်းကို ယနေ့နံနက် ၁၀ နာရီက ကွင်းဆင်းဆောင်ရွက်ခဲ့ကြောင်း သိရသည်။
ထိုသို့ကွင်းဆင်းစစ်ဆေးရာတွင်ကျေးလက်လမ်းဖွံ့ဖြိုးရေးဦးစီးဌာနမှ မြို့နယ်ဦးစီးအရာရှိ(မြို့ပြ) ဦးမြင့်လင်းနှင့် QC ဦးလင်းထွန်းတို့က ကွန်ကရစ်လမ်း ခိုင်ခန့်မှုအားစမ်းသပ်စစ်ဆေးခြင်း၊ အရည်အသွေးပြည့်ဝမှုစမ်းသပ်စစ်ဆေးခြင်းနှင့် သတ်မှတ်စံချိန်စံညွှန်းများနှင့် ကိုက်ညီမှု ရှိ မရှိတို့အား စစ်ဆေးတိုင်းတာမှုများဆောင်ရွက်ခဲ့သည်။
အဆိုပါကညင်သောင်-မြစ်ကျိုးကွန်ကရစ်လမ်းမှာ ၂၀၂၀-၂၀၂၁ခု ဘဏ္ဍာရေးနှစ် တိုင်းဒေသကြီး ငွေလုံးငွေရင်း ခွင့်ပြုရန်ပုံငွေ ၁၅၇.၈၇၆သန်းဖြင့် ရွှေအောင်လံဆောက်လုပ်ရေး ကုမ္ပဏီလိမီတက်က တာဝန်ယူ ဆောင်ရွက်ခဲ့ခြင်းဖြစ်ပြီး ၂၇၈၈ပေအရှည် ၁၂ပေအကျယ် ၇လက်မထုရှိကာ ယခုအချိန်တွင် ကွန်ကရစ်လမ်းမှာ ရာနှုန်းပြည့်ပြီးစီးပြီဖြစ်ကြောင်း သိရသည်။
ကျော်ဟိန်း(ပြန်/ဆက်)
