ကာမိုင်း ၂၆ မတ်
ကချင်ပြည်နယ် ဖားကန့်မြို့နယ် လဝါးကျေးရွာအုပ်စု လဝါးကျေးရွာရပ်ကွက်(၃)၌ ယမန်နေ့ မွန်းလွဲ ၂ နာရီခွဲက ဆိုလာပြားနှင့် ဘက်ထရီအားသွင်းထားရာမှ အပူလွန်ကဲပြီးနေအိမ်မီးလောင်မှု ဖြစ်ပွားခဲ့ကြောင်း သိရသည်။
မီးလောင်မှုကြောင့် နှစ်ခန်းပတ်လည်မြေစိုက် (သက်ကယ်မိုး၊ ထရံကာ) အိမ်ဟောင်းတစ်လုံးမှ တစ်ဆင့် (၃)ခန်း (၂)ခန်း နှစ်ထပ်တိုက် (သွပ်မိုး၊ ပျဉ်ခင်း၊ အုတ်ကာ) နေအိမ်တစ်လုံး၊ နှစ်ခန်းပတ် လည်မြေစိုက် (သွပ်မိုး၊ အုတ်ကာ) မီးဖိုဆောင်တစ်လုံးနှင့် စပါးကျီ (၁) လုံး စသည်တို့ ကူးစက်မီးလောင်ပျက်စီးခဲ့ကြောင်း သိရသည်။
မီးလောင်မှုဖြစ်ပွားရာသို့ ကာမိုင်းမြို့အုပ်ချုပ်ရေးမှူး ဦးသန်းထိုက်၊ နယ်မြေရဲစခန်းမှ ဒုရဲအုပ် ဝင်းသက်နိုင်နှင့်တပ်ဖွဲ့ဝင်များ၊ မီးသတ်ဦးစီးဌာနမှလက်ထောက်ဦးစီးမှူးမျိုးမြတ်အောင်နှင့်တပ်ဖွဲ့ဝင် များ လဝါးကျေးရွာအုပ်ချုပ်ရေးမှူးနှင့် ကျေးရွာပြည်သူများကဝိုင်းဝန်း၍ မီးငြှိမ်းသတ်ပေးနိုင်ခဲ့ပြီး လူများနှင့်တိရစ္ဆာန်များထိခိုက်မှုမရှိကြောင်း သတင်းရရှိသည်။
ဇွဲသူရအောင် (ပြန်/ဆက်)
