ညောင်လေးပင် ၂၂ စက်တင်ဘာလ
ကိုဗစ်-၁၉ ကာလ၌ ကျေးလက်နေပြည်သူများ စီးပွားရေးထိခိုက်မှု လျော့နည်း သက်သာစေရန်အတွက် စီးပွားရေးကုစားမှု အစီအစဉ်(CERP)အရ ၂၀၁၉-၂၀၂၀ ဘဏ္ဍာရေးနှစ်တွင် ညောင်လေးပင်မြို့နယ် ကျေးလက်ဒေသဖွံဖြိုးတိုးတက်ရေး ဦးစီးဌာနမှ ဆောင်ရွက်သည့် (Cash For Work) စီမံကိန်းနှင့် ကျေးရွာမတည်ရန်ပုံငွေ စီမံကိန်း(VRFP) နှစ်ခုကို စက်တင်ဘာ ၂၂ ရက်နေ့ထိ ရာနှုန်းပြည့် အကောင်အထည်ဖော် ဆောင်ရွက်ပြီးစီးကြောင်း သိရသည်။
ပဲခူးတိုင်းဒေသကြီး၊ ညောင်လေးပင်မြို့နယ်အတွင်းရှိ ကျေးရွာ(၈)ရွာတွင်(Cash For Work) စီမံကိန်းရန်ပုံငွေ ကျပ်သိန်း ၁၀၀ စီဖြင့် အကောင်အထည်ဖော် ဆောင်ရွက်ရာ ကိုဗစ်-၁၉ ကာလ စီးပွားရေးကျဆင်း၍ ဝင်ငွေထိခိုက်သော ပြည်သူများအား လုပ်အားခပေးချေ၍ ကျေးရွာဖွံဖြိုးရေးလုပ်ငန်းများ ဆောင်ရွက်သည့် စီမံကိန်းဖြစ်ပါသည်(Cash For Work)စီမံကိန်းဖြင့် ကျေးရွာ(၈)ရွာတွင် လုပ်ငန်း ၂၁ ခု အကောင်အထည်ဖော်ဆောင်ရွက် နိုင်ခဲ့ကြောင်း သိရသည်။
နေလင်း(ညောင်လေးပင်)
