တိုကျို အောက်တိုဘာ ၁၈
ဂျပန်နိုင်ငံရှိ လူဦးရေ ၆၆ ရာခိုင်နှုန်းကျော်သည် ကိုဗစ်-၁၉ ရောဂါ ကာကွယ်ဆေးထိုးနှံမှုခံယူပြီး ဖြစ်ကြောင်း ယနေ့သတင်းများအရ သိရသည်။
ပြည်သူ ၉၄ ဒသမ ၅ သန်းကျော် (လူဦးရေ၏ ၇၄ ဒသမ ၇ ရာခိုင်နှုန်း)သည် ကာကွယ်ဆေး အနည်းဆုံးတစ်ကြိမ် ထိုးနှံမှုခံယူပြီးဖြစ်သည်။ လူဦးရေ ၈၃ ဒသမ ၆ သန်း (လူဦးရေ၏ ၆၆ ဒသမ ၁ ရာခိုင်နှုန်း)သည် ကာကွယ်ဆေးနှစ်ကြိမ် ထိုးနှံမှု ခံယူပြီးဖြစ်သည်။
အသက် ၆၅ နှစ်နှင့်အထက် ပြည်သူ ၉၁ ဒသမ ၁ ရာခိုင်နှုန်းသည် ကာကွယ်ဆေးအနည်းဆုံး တစ်ကြိမ်ထိုးနှံမှု ခံယူပြီးဖြစ်ပြီး ၉၀ ရာခိုင်နှုန်းသည် ကာကွယ်ဆေးနှစ်ကြိမ် ထိုးနှံမှုခံယူပြီးဖြစ်ကြောင်း သိရသည်။
နိုဝင်ဘာလအစောပိုင်းတွင် ကာကွယ်ဆေးထိုးနှံ မှုခံယူရန် သတ်မှတ်ထားသည့် ပြည်သူအားလုံးကို အပြီးသတ် ထိုးနှံပေးသွားမည်ဖြစ်ကြောင်း ဂျပန် အစိုးရက ဆိုသည်။
ကိုးကား - အင်န်အိတ်ချ်ကေ
ဘာသာပြန် - အောင်ကျော်ကျော်
