သံဖြူဇရပ် စက်တင်ဘာ ၁၇
မွန်ပြည်နယ် ၊ မော်လမြိုင်ခရိုင် ၊ သံဖြူဇရပ်မြို့နယ်တွင် ကိုဗစ်-၁၉ရောဂါကာကွယ်ဆေး ထိုးနှံပေးခြင်းကို စက်တင်ဘာ(၁၇) ရက် နံနက် ၉ နာရီမှ စတင်ကာ တတိယနေ့အဖြစ် သံဖြူဇရပ် မြို့နယ်အတွင်းရှိ သတ်မှတ်ထားသော ဆေးထိုးစုရပ် ( ၇ ) နေရာ ဖြစ်သော အ.ထ.က( ၁ ) သံဖြူဇရပ် ၊ ကျိုက္ခမီ ( ကဇာတ်ရုံ ) အ.ထ.က ကျုံကဒါတ် ၊ အနင်းတိုက်နယ်ဆေးရုံ ၊ ထင်းရှူးတိုက်နယ်ဆေးရုံ နှင့်ဝဲခမိတိုက်နယ်ဆေးရုံတို့၌ ထိုးနှံပေးလျက်ရှိသည်။
သံဖြူဇရပ်မြို့နယ်အတွက် တရုတ်နိုင်ငံထုတ် Sinopharm အမျိုးအစား ကိုဗစ် - ၁၉ ရောဂါကာကွယ်ဆေး အလုံးရေ ( ၅၀၀၀ ) ၊ ပြည်သူ ( ၂၅၀၀၀) ခန့်ကို ထိုးနှံရန်လျာထားကြောင်း သံဃာတော်များ ၊ သီလရှင်များ ၊ အသက်(၆၅)နှစ် နှင့် အထက် ဆေးထိုးရန်ကျန်ရှိသူများ၊ အသက် ၅၅နှစ် နှင့် ၆၅ နှစ်အကြား ပြည်သူများ ၊ သတ်မှတ်အစီအစဉ်အတိုင်း ထိုးနှံပေးရာ စက်တင်ဘာလ ၁၆ ရက်နေ့အထိ လူဦးရေ စုစုပေါင်း (၄၆၂၅ ) ဦး ထိုးနှံပြီးစီးကြောင်း သိရသည်။
အဆိုပါ ကာကွယ်ဆေးထိုးနှံရာတွင် မြို့နယ်ပြည်သူ့ကျန်းမာရေးဦးစီးဌာနမှ ကျန်းမာရေးဝန်ထမ်းများတို့က ကာကွယ်ဆေးထိုးနှံပေးကြပြီး သံဖြူဇရပ်မြို့နယ် စီမံအုပ်ချုပ်ရေးအဖွဲ့ဝင်များ မြို့နယ်ဌာနဆိုင်ရာ တာဝန်ရှိသူများတို့က ကြီးကြပ်၍ ကြက်ခြေနီသူနာပြုတပ်ဖွဲ့ဝင်များ၊ မီးသတ်တပ်ဖွဲ့ဝင်များ ၊ ရပ်ကွက်/ ကျေးရွာအုပ်ချုပ်ရေးမှူးများနှင့် လူမှုရေးအသင်းအဖွဲ့တို့က ပူးပေါင်းကူညီ ဆောင်ရွက်ပေးလျက်ရှိသည်။
မြို့နယ်ပြန်/ဆက်