ပြည်ပတင်ပို့မည့် စျေးကွက် ကျယ်ပြန့်သည့်အပြင် စျေးနှုန်းရရှိသည့် ပဲတီစိမ်းကို တိုးချဲ့စိုက်ပျိုးလာကြောင်း မြန်မာနိုင်ငံ ပဲမျိုးစုံနှင့် နှမ်းကုန်သည်များအသင်း အတွင်းရေးမှူး ဦးမင်းကိုဦး က ပြောသည်။

မန္တလေးမြို့ အမရပူရမြို့နယ်အတွင်း ဒုဌဝတီမြစ်ရိုးတစ်လျှောက်တွင် သံပရာခြံများကို စီးပွားဖြစ်စိုက်ပျိုးလာရာ သံပရာသီးဈေးကောင်း၍ အစဉ်ပြေလျက်ရှိကြောင်း သိရသည်။ လက်ရှိကာလတွင် သံပရိုသီးတစ်လုံးလျှင် ငွေကျပ် ၃၀ မှ ၄၀ ကျပ်၊ ဗမာသံပရာသီးတစ်လုံးလျှင် ငွေကျပ် ၁၇၀ မှ ၈၀ ကျပ်နှုန်းဖြင့် ရောင်းချကြရသည်။

မန္တလေးမြို့ အမရပူရမြို့နယ်တွင် မိုးစပါးရိတ်သိမ်းခါနီးအချိန် ကုလားပဲများကို ရေကြမ်းပတ်ကျဲကာ စိုက်ပျိုးခြင်း၊ လယ်ရိတ်သိမ်းပြီးချိန် ထယ်ထွန်ကာ သီးသန့်စိုက်ပျိုးသည့် ကုလားပဲများ အောင်မြင်ဖြစ်ထွန်းလျက်ရှိကြောင်း သိရသည်။ စပါးစိုက်ပျိုးပြီး ကုလားပဲစိုက်ပျိုးခြင်းဖြင့် မြေဆီလွှာကိုပါ ပြုပြင်ပြီးဖြစ်သည့်အတွက် နှစ်စဉ်သီးထပ်အဖြစ် စိုက်ပျိုးလေ့ရှိသည်။