နေပြည်တော် အောက်တိုဘာ ၁၁
အမျိုးသမီးတစ်ဦးကို တရုတ်နိုင်ငံသို့ ပို့ဆောင်ရောင်းစားခဲ့သူအား လူကုန်ကူးမှုဖြင့် အလုပ်နှင့် ထောင်ဒဏ်(၁၀)နှစ် ချမှတ်ခဲ့ကြောင်း လူကုန်ကူးမှုတားဆီးနှိမ်နှင်းရေး ရဲတပ်ဖွဲ့ မှူးရုံးမှ သိရသည်။
၂၀၀၆ ခုနှစ်အတွင်းက ရှမ်းပြည်နယ်၊ လားရှိုးမြို့၊ ရပ်ကွက်(၅)၊ နယ်မြေ(၂)၊ ခိုင်ရွှေဝါ လမ်းနေ မxxxx၊ ၃၆ နှစ်ကို သူငယ်ချင်းဖြစ်သူ မန်ပျဉ်ကျေးရွာအုပ်စု၊ ခင်ဖုန်းကျေးရွာနေ မအေးနော်ခမ်း (ခ)နန်းနော်ခမ်း က တရုတ်နိုင်ငံတွင် အလုပ်လုပ်ကိုင်ပါက ငွေအမြောက် အမြားရရှိပြီး ကောင်းမွန်စွာနေထိုင်ရမည်ဟု ပြောဆိုစည်းရုံး၍ တရုတ်အမျိုးသားထံ ရောင်းစားခဲ့သဖြင့် လားရှိုးမြို့မရဲစခန်း (ပ)၃၆၇/၂၀၂၀၊ လူကုန်ကူးမှုတားဆီးကာကွယ်ရေး ဥပဒေပုဒ်မ ၂၄ ဖြင့် အမှုရေးဖွင့်ခဲ့ပြီး လားရှိုးခရိုင်တရားရုံးသို့ တရားစွဲတင်ပို့ခဲ့ရာ အောက်တိုဘာ ၁၀ ရက်တွင် တရားခံ မအေးနော်ခမ်း(ခ)နန်းနော်ခမ်းအား လူကုန်ကူးမှု တားဆီးကာကွယ်ရေးဥပဒေပုဒ်မ ၂၄ အရ အလုပ်နှင့် ထောင်ဒဏ် ၁၀ နှစ် ကျခံစေရန် အမိန့် ချမှတ်ခဲ့ကြောင်း သိရသည်။
သတင်းစဉ်
