ထာဝရငြိမ်းချမ်းရေးစေတီတော်တွင် ကိန်းဝပ်စံပယ်တော်မူမည့် ဗုဒ္ဓရုပ်ပွားတော်များနှင့် ရွှေထီးတော် အောင်လံမြို့သို့ ဒေသစာရီကြွချီအပူဇော်ခံ
မကွေးတိုင်းဒေသကြီး သရက်ခရိုင် အောင်လံမြို့နယ်သို့ နေပြည်တော် ဒက္ခိဏသီရိမြို့နယ် ရန်အောင်မြင်ကုန်းတော်၌် တည်ထားကိုးကွယ်လျက်ရှိသော ထာဝရငြိမ်းချမ်းရေးစေတီတော်တွင် ကိန်းဝပ်စံပယ်တော်မူမည့် စကျင်ဗုဒ္ဓရုပ်ပွားတော်နှစ်ဆူ၊ ရွှေထီးတော်၊ ရွှေငှက်မြတ်နားတော်နှင့် ရတနာစိန်ဖူးတော်တို့သည် ဧပြီ ၂၈ ရက် နံနက်ပိုင်းက ပြည်မြို့မှတစ်ဆင့် အောင်လံမြို့နယ်သို့ နံနက် ၈ နာရီ မိနစ် ၂၀ တွင် ဒေသစာရီကြွချီအပူဇော်ခံ ရောက်ရှိခဲ့သည်။
