Apr 23,2019 |08:12 |

နေပြည်တော်   ၂၃   ဧပြီ  

 

ရုရှားဖက်ဒရေးရှင်းနိုင်ငံ၊ Irkutsk မြို့၌ ချစ်ကြည်ရေးခရီးရောက်ရှိနေသည့် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ဦးဆောင်သော မြန်မာ့တပ်မတော်ချစ်ကြည်ရေး ကိုယ်စားလှယ်အဖွဲ့သည် ဧပြီ ၂၂ ရက် မွန်းလွဲပိုင်းတွင် Irkutsk လေဆိပ်မှထွက်ခွာခဲ့ပြီး ညနေပိုင်းတွင် Omsk မြို့သို့ ရောက်ရှိရာ Russia-ASEAN Business Council ဥက္ကဋ္ဌ Mr. Ivan Polyakov နှင့်တာဝန်ရှိသူများက လေဆိပ်၌ကြိုဆို နှုတ်ဆက်ကြသည်။

 

1

 

ယင်းနောက် တပ်မတော်ကာကွယ်ရေးဦးစီးချုပ်နှင့်အဖွဲ့ဝင်များသည် JSC Radio Plant ပြတိုက်သို့ ရောက်ရှိကြပြီး JSC Radio Plant သမိုင်းကြောင်းနှင့် ဆက်သွယ်ရေး ကဏ္ဍ၏အရေးပါမှု Video အား ကြည့်ရှုကြကာ စက်ရုံအတွင်း လှည့်လည်ကြည့်ရှု လေ့လာကြသည်။

 

1

 

ထို့နောက် တပ်မတော်ကာကွယ်ရေးဦးစီးချုပ်နှင့်အဖွဲ့ဝင်များသည် MKP-Media International Press Center သို့ရောက်ရှိကြပြီး တပ်မတော်ကာကွယ်ရေးဦးစီးချုပ် သည် Information Agency Siberian News၊ Radio Siberia ၊ Prodvizhenie TV Channel ၊ BRICS TV Channel ၊ Information Agency OMSC HERE သတင်း ဌာနများနှင့်တွေ့ဆုံ၍ သတင်းမီဒီယာများ၏ သိရှိလိုသည့်မေးမြန်းချက်များ အား ပြန်လည်ရှင်းလင်းဖြေကြားသည်။

 

1

 

ဆက်လက်၍ တပ်မတော်ကာကွယ်ရေးဦးစီးချုပ်ဦးဆောင်သည့် မြန်မာ့တပ်မတော် ချစ်ကြည်ရေး ကိုယ်စားလှယ်အဖွဲ့သည် Omsk မြို့မှဆက်လက်ထွက်ခွာခဲ့ပြီး ညပိုင်းတွင် မော်စကိုမြို့ရှိ Vnukovo-3 လေဆိပ်သို့ ရောက်ရှိကြရာ ရုရှား ဖက်ဒရေးရှင်းနိုင်ငံ၊ ကာကွယ်ရေးဝန်ကြီးဌာန၊ ဒုတိယဝန်ကြီး Colonel General Alexander V. Fomin ၊ ရုရှားနိုင်ငံဆိုင်ရာမြန်မာနိုင်ငံသံအမတ်ကြီး ဦးကိုကိုရှိန်နှင့် တာဝန်ရှိသူများက လေဆိပ်၌ ကြိုဆိုနှုတ်ဆက်ကြကြောင်း တပ်မတော်ကာကွယ်ရေး ဦးစီးချုပ်ရုံး၏ သတင်းထုတ်ပြန်ချက်အရ သိရသည်။

 

(သတင်းစဉ်)