အောက်တိုဘာ ၆
သီရိလင်္ကာနိုင်ငံ ကိုလန်ဘိုမြို့တွင် ဘတ်စ်ကားပေါ်သို့သစ်ပင်လဲကျမှုဖြစ်ပွားခဲ့သဖြင့် ငါးဦးသေဆုံးကြောင်း ကိုလန်ဘိုအမျိုးသားဆေးရုံ၏ပြောရေးဆိုခွင့်ရှိသူတစ်ဦးက မီဒီယာကိုပြောကြားသည်။
အဆိုပါ ခရီးသည်တင်ဘတ်စ်ကားသည် ကိုလန်ဘိုမြို့မှ သီရိလင်္ကာနိုင်ငံတောင်ပိုင်း ဒန်နီရာမြို့သို့ ဦးတည်သွားနေစဉ် မတော်တဆမှုဖြစ်ပွားခဲ့ခြင်းဖြစ်သည်။
ထိုမတော်တဆမှုကြောင့် ခရီးသည် ၁၇ ဦးဒဏ်ရာရရှိခဲ့ပြီး ကိုလန်ဘိုအမျိုးသားဆေးရုံတွင် ကုသမှုခံယူလျက်ရှိသည်ဟု ရဲတပ်ဖွဲ့က ပြောကြားသည်။
မတော်တဆမှုဖြစ်ပွားသောလမ်းသည် ကိုလန်ဘိုမြို့၏ ယာဉ်အသွားအလာများသောလမ်းများအနက်တစ်ခုဖြစ်သည်။ မတော်တဆမှုဖြစ်ပွားပြီးနောက်ပိုင်းတွင် ထိုလမ်းကိုပိတ်ထားခဲ့ပြီး တာဝန်ရှိသူများက ယင်းလမ်းပေါ်ရှိ လဲကျနေသောသစ်ပင်နှင့် ပျက်စီးသွားသောဘတ်စ်ကားကိုဖယ်ရှားရန် လုပ်ဆောင်ပေးခဲ့သည်။
ကိုးကား-ဆင်ဟွာ
ဘာသာပြန်-မြင့်မြင့်ချို