SEPCO ကုမ္ပဏီမှ အထွေထွေလုပ်သားဖြစ်သူ တရုတ်နိုင်ငံသား Mr. Du Wen Ping (၄၆)နှစ်သည် အောက်တိုဘာ ၃၁ ရက်နေ့ ည ၈ နာရီခွဲခန့်က နေပြည်တော်၊ လယ်ဝေးမြို့နယ်၊ လမ်းစဉ်ကျေးရွာ အနောက်ဘက် (၁)မိုင်ခန့် အကွာရှိ မိတ္ထီလာ-တောင်ငူ ဓာတ်အားလိုင်း သွယ်တန်းရန် ဆောက်လုပ်ထားသည့် အမြင့်ပေ ၁၀ဝ ခန့် လျှပ်စစ်တာဝါတိုင်ပေါ်၌ လျှပ်စစ်ကြိုးများအား စစ်ဆေးခဲ့သည်။

ပင်လောင်းမြို့နယ်ရဲတပ်ဖွဲ့မှ ဒုရဲမှူး မျိုးလွင်ဦးစီးသည့် ပူးပေါင်းအဖွဲ့သည် အောက်တိုဘာ ၃၁ ရက်နေ့တွင် ပင်လောင်းမြို့နယ်၊ ဝါးပြုံးကျေးရွာ၏ တောင်ဘက် ၅ မိုင်ခန့်အကွာ၌ အမြင့် ၂ ပေခန့်ရှိ သီးပွင့်ဆဲ ဘိန်းခင်း စုစုပေါင်း ၂၄ ဧကခန့်အား ဖျက်ဆီး ဆောင်ရွက်ခဲ့ကြောင်း သတင်းရရှိသည်။

စစ်ကိုင်းတိုင်းဒေသကြီး ကလေးခရိုင် သူနာပြုနှင့် သားဖွားသင်တန်းကျောင်း(ကလေး)မှ ပထမနှစ် သူနာပြုသင်တန်းကျောင်းသားများဖြစ်ကြသော မောင်သန်းထိုက်အောင်၊ မောင်ဇော်မျိုးအောင်၊ မောင်ဟိန်း မင်းသူ၊ မောင်စိုင်းနောင်ထွန်း၊ မောင်ကမ်းမီနှင့် ဒုတိယနှစ် သူနာပြုသင်တန်းကျောင်းသားများဖြစ်ကြသော တွောင်ခန့်တွောင်နှင့် မောင်ထွန်းအောင်တို့ ခုနစ်ဦးသည် အောက်တိုဘာ ၃၁ ရက် ညနေ ၅ နာရီ အချိန်ခန့်က ကလေးမြို့ နေရဉ္စရာမြစ်(ဖောင်ကူး)နှင့် မြစ်သာမြစ်ဆုံတွင် ရေဆင်းကူးကြရာ မောင်ထွန်းအောင်နှင့် မောင်သန်းထိုက်အောင်တို့နှစ်ဦးသည် ရေနစ်သွားသဖြင့် မောင်ဟိန်းမင်းသူက ဆယ်ယူကယ်တင်ရာ၌ မောင်ထွန်းအောင် တစ်ဦးတည်းကိုသာကယ်တင်နိုင်ခဲ့ပြီး မောင်သန်းထိုက်အောင်မှာ ရေနစ်ထဲသို့ မျောပါ သွားကြောင်း သိရသည်။

ပြည်ကြီးမဏ္ဍိုင်မြို့ ဝါးဒင်းကျေးရွာအနီး၌ သားရေများခွါယူထားသည့် တောဆင်ရိုင်း တစ်ကောင် သေဆုံးလျှက်တွေ့ရှိ........................................