ညောင်ရွှေ ၁၂ အောက်တိုဘာ
ရှမ်းပြည်နယ်(တောင်ပိုင်း) ညောင်ရွှေမြို့နယ် မိုင်းပျိုးကျေးရွာအုပ်စု မန်ကျီးဆိပ်ကျေးရွာအထွက် ရေလမ်းကြောင်းတွင် ယနေ့နံနက် ၁၀ နာရီခွဲခန့်က မိုင်းပျိုး ရွာသစ်ရွာ ဖောင်တော်ဦးဘုရားဆွဲလှေတစ်စီး လှေအတွင်းရေဝင်၍ နစ်မြုပ်မှုဖြစ်ပွားခဲ့ကြောင်း သိရသည်။
ဖြစ်စဉ်မှာ အဆိုပါဆွဲလှေသည် ဖောင်တော်ဦးရုပ်ပွားတော်မြတ်များ နန်းပန်ကျေးရွာစံကျောင်းမှ မန်ကျီးဆိပ်ကျေးရွာစံကျောင်းသို့ လှော်ခတ်ပင့်ဆောင်ကြွချီခဲ့ပြီးနောက် ၎င်းတို့ မိုင်းပျိုးရွာသစ်ကျေးရွာသို့ ပြန်လာစဉ် နစ်မြုပ်ခဲ့ခြင်းဖြစ်ကြောင်း သိရသည်။
နစ်မြုပ်မှုကြောင့် ဆွဲလှေပေါ်၌ လိုက်ပါလာသူ ဦးလှကျော်သည် ရေနစ်မွန်း၍ သေဆုံးခဲ့ပြီး မောင်အောင်ကျော်ဇောနှင့် မောင်စိုးမြတ်မင်း နှစ်ဦးမှာ ပျောက်ဆုံးလျက်ရှိကာ ပျောက်ဆုံးနေသူနှစ်ဦးကို ရှာဖွေလျက်ရှိကြောင်း သိရသည်။
မြို့နယ် (ပြန်/ဆက်)
