တာချီလိတ် ၂၂ အောက်တိုဘာ
ရန်ကုန်မြို့အခြေစိုက် အစာအိမ်အူလမ်းကြောင်းနှင့် အသည်းရောဂါဖောင်ဒေးရှင်း(မြန်မာ)မှ အသည်းရောင် ဘီပိုး၊ စီပိုး စစ်ဆေးခြင်းနှင့် ကာကွယ်ဆေးထိုးနှံ့ပေးခြင်းကို ယနေ့ ၈ နာရီမှစ၍ တာချီလိတ်မြို့ မကာဟိုခမ်းရပ်ကွက်ရှိ မဟာမြတ်မုနိ ဘုရားကြီးကျောင်းတိုက်၌ ဆောင်ရွက်ပေးလျက်ရှိကြောင်း သိရသည်။
ထိုသို့ ဘီပိုး၊ စီပိုး စစ်ဆေးခြင်းနှင့် ကာကွယ်ဆေးထိုးနှံ့ပေးရာတွင် တြိဂံဒေသ တိုင်းစစ်ဌာနချုပ် ကျိုင်းတုံမြို့ ကုတင်(၃၀ဝ)ဆံ့ တပ်မတော်စစ်ဆေးရုံမှ ကုသရေးအဖွဲ့ ဆရာဝန် (၈)ဦးနှင့် သူနာပြု(၈)ဦးတို့က ပါဝင်ကူညီ ဆောင်ရွက်ပေးလျက်ရှိပြီး တစ်ရက်လျှင် လူဦးရေ (၅၀ဝ)ဦးနှင့် စုစုပေါင်းလူဦးရေ (၁၀ဝဝ)ဦးအား ထိုးနှံ့ပေးခဲ့ကြောင်း သိရသည်။
ထို့နောက် ကာကွယ်ဆေးနှင့် ဆေးဝါးပစ္စည်းများအတွက် အစာအိမ် အူလမ်းကြောင်းနှင့် အသည်းရောဂါ ဖောင်ဒေးရှင်း(မြန်မာ) အသင်းသို့ အလှူရှင်များ စုပေါင်း၍ အလှူငွေကျပ် (၁၁၅)သိန်းကို ပေးအပ်လှူဒါန်းခဲ့ကြောင်း သိရသည်။
အဆိုပါ အသည်းရောင် ဘီပိုး၊ စီပိုး စစ်ဆေးခြင်းနှင့် ကာကွယ်ဆေးထိုးနှံ့ပေးခြင်းကို အောက်တိုဘာ ၂၁ ရက်မှစ၍ အခမဲ့ ဆောင်ရွက်ပေးခဲ့ပြီး ယနေ့ ဒုတိယအကြိမ်အဖြစ် ဆောင်ရွက်ပေးခြင်းဖြစ်ကြောင်း သိရသည်။
ယာဆေး(ပြန်/ဆက်)
