စဉ့်ကိုင် အောက်တိုဘာ ၃
မန္တလေးတိုင်းဒေသကြီး၊ ကျောက်ဆည်ခရိုင်၊ စဉ့်ကိုင်မြို့နယ်၌ စိုက်ပျိုးရေးဦးစီးဌာန ၊တိုင်းဒေသကြီးဦးစီးမှူး၊ ဒုတိုင်းဒေသကြီးဦးစီးမှူး ၊ တာ၀န်ရှိသူများနှင့် အထူးဇုန် ဧက (၂၀၀) စံပြကွက် မိုးနှောင်းချည်မျှင်ရှည်ဝါ စိုက်ပျိုးသည့် တောင်သူများ တွေ့ဆုံဆွေးနွေးခြင်းကို ယနေ့နံနက်(၁၀)နာရီက မီးသွေးဘုတ်ကျေးရွာအုပ်စု ၊ နတ်ရေကန်ကျေးရွာ ၊ ကွင်းအမှတ်(၄၆) စျ ရှိတောင်သူ ဦးကံတင်၏ စိုက်ခင်းနေရာတွင်ဆောင်ရွက်ခဲ့ကြောင်း သိရသည်။
ဆွေးနွေးပွဲသို့ မန္တလေးတိုင်းဒေသကြီး စိုက်ပျိုးရေးဦးစီးဌာန၊ တိုင်းဒေသကြီးဦးစီးမှူး ဦးတိုးမင်း၊ ဒုတိုင်းဒေသကြီး ဦးစီးမှူး ဦးစိုင်းသန်းအောင်၊ ကျောက်ဆည်ခရိုင်ဦးစီးမှူး ဦးစိုးနိုင် ၊ မြို့နယ်ဦးစီးမှူးဒေါ်စိုးစိုးနှင့် ၀န်ထမ်းများ၊ ဝါစိုက်ပျိုးတောင်သူများ တက်ရောက်ခဲ့ကြသည်။ '
စဉ့်ကိုင်မြို့နယ်တွင် ၂၀၂၀-၂၀၂၁ ခုနှစ်တွင် မိုး၊ မိုးနှောင်းချည်မျှင်ရှည်ဝါ စိုက်ဧကစုစုပေါင်း (၆၈၃၉) ဧက စိုက်ပျိုးထားရှိပြီး မိုးနှောင်းချည်မျှင်ရှည်ဝါ အထူးဇုန် ဧက (၂၀၀) စံပြကွက်ကို ရွှေတောင် - ၁၀ ဝါမျိုးဖြင့် FS မျိုးစေ့ အဆင့်အသုံးပြု၍ မီးသွေးဘုတ်ကျေးရွာ အုပ်စုတွင် တောင်သူ(၄၁)ဦးဖြင့် စိုက်ပျိုးဆောင်ရွက်ထားရှိကြောင်း မြို့နယ်စိုက်ပျိုးရေးဦးစီးဌာန ၊မြို့နယ်ဦးစီးမှူးဒေါ်စိုးစိုး ထံက သိရသည်။
၀င်း၀င်းသန်း(စဉ့်ကိုင်)