(၂၈-၈-၂၀၂၀) ရက်
မြန်မာနိုင်ငံတွင် (၂၈-၈-၂၀၂၀)ရက်၊ နံနက်(၀၈:၀၀)နာရီအချိန်ထိ COVID-19 ဓာတ်ခွဲ အတည်ပြုလူနာ(၆၂၈)ဦးရှိပြီး (၆)ဦးသေဆုံးခဲ့ပါသည်။
(၁၆-၈-၂၀၂၀) ရက်မှ (၂၈-၈-၂၀၂၀) ရက်၊ နံနက်(၀၈:၀၀) နာရီအချိန်အထိ ရခိုင်ပြည်နယ်၊ စစ်တွေမြို့နယ်တွင် နေထိုင်သူများနှင့် စစ်တွေမြို့နယ် သို့/မှ ခရီးသွားလာသူများတွင် COVID-19 ရောဂါ ဓာတ်ခွဲအတည်ပြုလူနာစုစုပေါင်း(၂၁၆) ဦး ရှိပြီဖြစ်ပါသည်။
COVID-19 ရောဂါ ကူးစက်ပျံ့နှံမှုကို အချိန်မီထိန်းချုပ်နိုင်ရန် ပြည်သူများအနေဖြင့် (၁၀-၈-၂၀၂၀) ရက်မှစ၍ ရခိုင်ပြည်နယ်၊ စစ်တွေမြို့နယ်နှင့် ရခိုင်ပြည်နယ်အတွင်းရှိ ရောဂါကူးစက်ဖြစ်ပွား မှုများရှိနေသော မြို့နယ်များ သို့/မှ ခရီးသွားလာမှုများရှိပါက မိမိအသိစိတ်ဖြင့် ချက်ချင်းသတင်း ပေးပို့ရန် လိုအပ်ပါသည်။
ပို့ဆောင်ရေးနှင့်ဆက်သွယ်ရေးဝန်ကြီးဌာန၏ စာရင်းဇယားများအရ (၁၀-၈-၂၀၂၀) ရက်မှ စ၍ ပြည်တွင်းလေကြောင်းခရီးစဉ်များဖြင့် ရခိုင်ပြည်နယ်မှ ရန်ကုန်မြို့သို့ လိုက်ပါခဲ့သူများ၏ အချက် အလက်များအား ဖော်ပြထားရှိရာ အဆိုပါပုဂ္ဂိုလ်များသည် တိုင်းဒေသကြီး/ပြည်နယ်များရှိ နီးစပ်ရာ ကျန်းမာရေးဌာနများနှင့် အုပ်ချုပ်ရေးအဖွဲ့အစည်းများသို့ ချက်ချင်းသတင်းပို့၍ ကျန်းမာရေးစစ်ဆေး မှုခံယူရန် လိုအပ်ပါသည်။
သို့မှသာ မိမိတွင်ရောဂါကူးစက်မှုရှိပါက အချိန်မီကုသမှုခံယူနိုင်မည်ဖြစ်ပြီး မိမိမှတစ်ဆင့် မိမိ ၏မိသားစုနှင့် နီးစပ်ရာများသို့ ရောဂါကူးစက်ဖြစ်ပွားမှုမှ ကာကွယ်နိုင်မည်ဖြစ်ပါသဖြင့် သတင်းပေး ပို့၍ ကျန်းမာရေးစစ်ဆေးမှုခံယူရန် တိုက်တွန်းနှိုးဆော်ပန်ကြားအပ်ပါသည်။
သတင်းပေးပို့ရန် ပျက်ကွက်သူများအား သဘာဝဘေးအန္တရာယ်စီမံခန့်ခွဲမှုဥပဒေနှင့် အရေး ယူဆောင်ရွက်သွားမည် ဖြစ်ပါသည်။
ကျန်းမာရေးနှင့်အားကစားဝန်ကြီးဌာန
