မန္တလေး ၂၆ ဖေဖော်ဝါရီ
မန္တလေးမြို့မှာ LGBT ရုပ်ရှင်ပွဲတော် မတ်လ ၂ ရက်နေ့နှင့် ၃ ရက်နေ့တွင် မန္တလေးမြို့ ဂျက်ဖာဆန် စင်တာမှာ ကျင်းပသွား မည်ဖြစ်ကြောင်း သိရသည်။
LGBT ရုပ်ရှင်ပွဲတော်တွင် သရုပ်ဖော်တင်ဆက်မှုများ ၊ ဓာတ်ပုံပြပွဲများ ပြုလုပ်သွားမည်ဖြစ်ကြောင်း သိရသည်။
" LGBT အချင်းချင်း တွေ့ဆုံဖို့ရည်ရွယ်ပါတယ်။ အချင်းချင်း တွေ့ဆုံဖို့ဆိုတာ မန္တလေးမှာ မရှိသလောက်ရှားပါတယ်။ LGBT Network ဖြန့်ကျက်ချင်တာရယ် ၊ ကြုံတွေ့နေရတဲ့ အခက်ခဲတွေ ချပြချင်တယ် LGBT ဆိုတာ လူသားတွေပါ ပဲဆိုတာ သိစေချင်တယ် "ဟု ANDPROUD ၏ Co-Founder ဖြစ်သူ Willen Van Rooij မှ ပြောသည်။
LGBT ရုပ်ရှင်ပွဲတော်တွင် CAN-Myanmar ၊ TRY ၊ Bright Pride Myanmar Lesbian Organization ၊ PFLAG-Myanmar တို့နှင့်အတူ ANDPROUD တို့မှ ပူးပေါင်းကျင်းပသွားမည် ဖြစ်ကြောင်း သိရသည်။
ရုပ်ရှင်ပွဲတော်တွင် ဆွေးနွေးမှုစကားဝိုင်းများ ၊ မေးခွန်းများဖြေကြားခြင်းနှင့် အဆိုတော် စန္ဒီမြင့်လွင် ၊ ဇွန်ဝေယံ တို့က ဖျော်ဖြေတင်ဆက်မှုများ ပြုလုပ်သွားမည်ဖြစ်ကြောင်း သိရသည်။
အိမို့မို့ခိုင်