၂၉ ဇန်နဝါရီ
ဂျမေကာကမ်းလွန်တွင် ယမန်နေ့က ပြင်းအား ၇ ဒသမ ၇ ပမာဏ ငလျင်လှုပ်ခတ်ခဲ့သည်ဟု သိရသည်။ ထိုသမုဒ္ဒရာမှ ဝေးရာတွင် နေထိုင်ကြရန် ဒေသခံများကို ဂျမေကာ အစိုးရက တိုက်တွန်းပြောကြားထားသည်။
ဂျမေကာနိုင်ငံမှ ၁၀၀ ကီလိုမီတာအကွာတွင် ငလျင်လှုပ်ခတ်ခဲ့ကြောင်း အမေရိကန် ဘူမိဗေဒဆိုင်ရာ လေ့လာစစ်တမ်းက ဆိုသည်။
အဆိုပါ ငလျင်ဗဟိုချက်အနက် မှာ ၁၀ ကီလိုမီတာ ခန့်ရှိသည်ဟု ခန့်မှန်းထားသည်။
ဂျမေကာ နှင့် ကျူးဘားနိုင်ငံ အစိုးရများအနေဖြင့် ထိုငလျင်လှုပ်ခတ်မှုနှင့် ပတ်သက်သည့် အဓိက ပျက်စီးဆုံးရှုံးမှု၊ ဒဏ်ရာရရှိမှု သတင်းများ မရရှိသေးပေ။
ကိုးကား- အန်အိတ်ချ်ကေ
ဘာသာပြန်- မြင့်မြင့်ချို
