၂၂ နိုဝင်ဘာ
International Challenge ကြက်တောင်ပြိုင်ပွဲ တတိယနေ့ကို ယနေ့နံနက်ပိုင်းမှစ၍ အိန္ဒိယ နိုင်ငံ၌ ဆက်လက်ကျင်းပရာ မြန်မာကြက်တောင်အားကစားမယ် သက်ထားသူဇာ ဆီမီးဖိုင်နယ် တက်ရောက်သွားသည်။
သက်ထားသူဇာသည် ပြိုင်ပွဲဒုတိယနေ့တွင် နှစ်ပွဲယှဉ်ပြိုင်ခဲ့ရပြီး ဒုတိယအဆင့်နှင့် ကွာတား ဖိုင်နယ်တွင် နိုင်ပွဲများ ရယူနိုင်ခဲ့ခြင်းဖြစ်သည်။ သက်ထားသူဇာသည် ဒုတိယအဆင့်တွင် အိန္ဒိယကစားသမား တန်ဗီလတ်ကို ၂၁-၁၂ မှတ်၊ ၂၁-၁၅ မှတ်ဖြင့် နှစ်ပွဲပြတ်ဖြင့် အနိုင်ရခဲ့ခြင်းခဲ့ပြီး ကွာတား ဖိုင်နယ်တွင် ထိုင်း ကစားသမား နူတာကန်ကို ၁၁-၂၁ မှတ်၊ ၂၁-၁၈ မှတ်၊ ၂၁-၁၇ မှတ်၊ နှစ်ပွဲ-တစ်ပွဲဖြင့် အနိုင်ရခဲ့ခြင်းဖြစ်သည်။ ကွာတားဖိုင်နယ်တွင် ခက်ခက်ခဲခဲယှဉ်ပြိုင်ကစားခဲ့ရပြီး ပထမပွဲငယ်တွင် အရေးနိမ့်ပြီးမှ ပွဲငယ်နှစ်ပွဲဆက်တိုက် ပြန်လည်အနိုင်ရခဲ့ခြင်းဖြစ်သည်။
သက်ထားသူဇာသည် ဆီမီးဖိုင်နယ် တွင် ထိုင်းကစားသမား ဘင်ရာပါနှင့်တွေ့ဆုံ နေပြီး နိုဝင်ဘာ ၂၃ ရက်တွင် ဆက်လက် ယှဉ်ပြိုင်ကစားရမည်ဖြစ်သည်။
သတင်း- ရဲရင့်ရှိုင်း
ဓာတ်ပုံ- THET HTAR THUZAR Fb page