၂၁ စက်တင်ဘာ
မော်လ်ဒိုက်နိုင်ငံ၌ ကျင်းပနေသည့် International Future Series ကြက်တောင်ပြိုင်ပွဲ ဆီမီးဖိုင်နယ်ပွဲစဉ်များကို ယနေ့ညနေပိုင်းက ဆက်လက်ကျင်းပရာ မြန်မာကြက်တောင်အားကစားမယ် သက်ထားသူဇာ ဗိုလ်လုပွဲ တက်ရောက်သွားသည်။
သက်ထားသူဇာသည် ဆီမီးဖိုင်နယ်တွင် အိန္ဒိယကစားသမား ရှာရူတီနှင့် တွေ့ဆုံခဲ့ပြီး နှစ်ပွဲပြတ် အနိုင်ရခဲ့သည်။ သက်ထားသူဇာသည် လက်ရည်အသာဖြင့် ကစားကာ အမှတ်ပြတ် အနိုင်ရခဲ့ခြင်းဖြစ်သည်။ သက်ထားသူဇာသည် ဆီဒင် ၄ ရ ကစားသမားနှင့် တွေ့ဆုံခဲ့သော်လည်း လက်ရည်အသာဖြင့် ကစားကာ ၂၁-၁၀ မှတ်၊ ၂၁-၁၀ အနိုင်ရကာ ဗိုလ်လုပွဲ တက်ရောက်ခဲ့ခြင်းဖြစ်သည်။ သက်ထားသူဇာသည် ဗိုလ်လုပွဲတွင် အိန္ဒိယကစားသမား မယ်ဗီကာနှင့် တွေ့ဆုံနေပြီး စက်တင်ဘာ ၂၂ ရက် ညနေပိုင်းတွင် ကစားရမည်ဖြစ်သည်။
သက်ထားသူဇာသည် ယခုပြိုင်ပွဲတွင် တစ်ကျော့ပြန် အောင်မြင်မှုရရန် နီးစပ်နေပြီး ချန်ပီယံဆုနှင့် လက်တစ်ကမ်းအကွာသို့ ရောက်ရှိနေသည်။
သတင်း-ညီမြတ်သော်တာ
ဓာတ်ပုံ-ဖိုးသော်ဇင်
