ကျောက်မဲ ၁၈ ဒီဇင်ဘာ
ရှမ်းပြည်နယ်မြောက်ပိုင်း၊ ကျောက်မဲခရိုင်၊ လူထုအခြေပြုဗဟိုဌာန Community Centre ခန်းမတွင် ဒီဇင်ဘာ ၁၈ ရက်နေ့ နံနက် ၉ နာရီက ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် မူကြိုကျောင်း များနှင့်ပူးပေါင်း၍ (၇၂)နှစ်မြောက်လွတ်လပ်ရေးနေ့ အထိမ်းအမှတ် ကာယဉာဏ စွမ်းရည် ပြိုင်ပွဲ ကျင်းပပြုလုပ်ခဲ့ကြောင်း သိရသည်။
ပြိုင်ပွဲတွင် ပင်ပေါင်ကောက်၊ ဘောလုံးသယ်၊ ဆေးရောင်ခြယ် စသည့် ပြိုင်ပွဲများကျင်းပခဲ့ပြီး မိခင်နှင့်ကလေး စောင့်ရှောက်အသင်းမူကြိုကျောင်းနှင့် ကြယ်စင်လင်းမူကြိုကျောင်းမှ ကလေး ၁၀ ဦးစီ ပါဝင်ယှဉ်ပြိုင်ခဲ့ကြသည်။ အဆိုပါ ပြိုင်ပွဲဝင်ကလေးများအားလုံးကို ပြန်ကြားရေးနှင့်ပြည်သူ့ဆက်ဆံရေး ဉီးစီးဌာနမှ တာဝန်ရှိသူနှင့် အလှူရှင်များက ဂုဏ်ပြုလက်ဆောင်များ ပေးအပ်ခဲ့ကြောင်း သိရသည်။
ခရိုင်ပြန်/ဆက်
