ချမ်းမြသာစည် ဩဂုတ် ၅
မန္တလေးတိုင်းဒေသကြီး၊ မန္တလေးခရိုင်၊ ချမ်းမြသာစည်မြို့နယ်တွင် အသက်(၆၅) နှစ်နှင့် အထက်သက်ကြီး ဘိုးဘွားများအား ဩဂုတ် ၅ ရက်နေ့ နံနက်၉ နာရီအချိန်မှ စတင်ကာမြို့သစ်အမှတ်(၃)ရပ်ကွက် အထက ၃၀ တွင် ကိုဗစ်-၁၉ ရောဂါကာကွယ်ဆေး ဆက်လက် ထိုးနှံပေးလျက်ရှိသည်။
အဆိုပါ ကိုဗစ်-၁၉ ရောဂါကာကွယ်ဆေးကို ဇူလိုင်လ(၂၄)ရက်နေ့က စတင်ပြီး ရပ်ကွက်အလိုက် ဆေးထိုးစုရပ် ငါးနေရာတွင်အဖွဲ့ ငါးဖွဲ့ခွဲ၍ ထိုးနှံပေးခဲ့ကြောင်း၊ဆက်လက်ပြီး ရဟန်း၊ သံဃာများ၊ ဌာနဆိုင်ရာများ၊ ကျန်းမာရေး ဝန်ထမ်းများ၊ စေတနာ့ ဝန်ထမ်းအား ထိုးနှံပေးသွားမည်ဖြစ်ကြောင်း သိရသည်။
ချမ်းမြသာစည်မြိုနယ်တွင် ကိုဗစ်-၁၉ ရောဂါကာကွယ်ဆေး ယနေ့အထိအလုံး(၈၅၁)လုံးရရှိကြောင်း၊ ကာကွယ်ဆေး တစ်လုံးလျှင်နှစ်ဦးနှုန်းဖြင့် ဦးစားပေးအစီအစဉ် အလိုက် ဆက်လက်ထိုးနှံပေးသွားမည်ဖြစ်ကြောင်းနှင့် ယနေ့အချိန်ထိ(၁၇၀၂)ဦး ထိုးနှံပေးပြီးကြောင်း မြိုနယ်အထွေထွေအုပ်ချုပ်ရေးဦးစီးဌာန မှသိရသည်။
မြို့နယ်(ပြန်/ဆက်)
