ကျိုက်မရော ၅ အောက်တိုဘာ
ပြည်သူများအနေဖြင့် ဌာနဆိုင်ရာများနှင့် ဆက်စပ်သည့် လုပ်ငန်းများဆောင်ရွက်ရာတွင် အဆင်ပြေချောမွေ့စွာ ဆောင်ရွက်နိုင်ရေးနှင့် ရုံးဌာနများ၏ လုပ်ငန်းများ ကိုပြည်သူများ ကျယ်ကျယ်ပြန့်ပြန့် သိရှိနိုင်ရန်အတွက် ကျိုက်မရောမြို့နယ် ပြည်သူ့ဝန်ဆောင်မှု (OSS) ရုံးမှ ရွှေ့လျားဝန်ဆောင်မှု လုပ်ငန်း (Mobile Service DeliVery) အစီအစဉ်ဖြင့် ကျွန်းရွာကျေးရွာဘုန်းကြီးကျောင်းတွင် အသိပညာပေးဟောပြောခြင်းနှင့် ပြည်သူ့အကျိုးပြုလုပ်ငန်းများ ဆောင်ရွက်ပေးမှုကို ယမန်နေ့ မွန်းလွဲ ၂ နာရီက ကွင်းဆင်းဆောင်ရွက်ခဲ့သည်။
ရှေ့းဦးစွာ ဒုမြို့နယ်အုပ်ချုပ်ရေးမှူး ဦးဘုန်းမြင့်နိုင်က ပြည်သူ့ဝန်ဆောင်မှုရုံး ဖွင့်လှစ်ရခြင်းနှင့်ရွေ့လျားဝန်ဆောင်မှု လုပ်ငန်းများအကြောင်း (OSS)ရုံး၏ ရည်ရွယ်ချက်များကို ရှင်းလင်းဆွေးနွေးခဲ့သည်။
ဆက်လက်၍ မြို့နယ်စည်ပင်သာယာရေး လုပ်ငန်းများကို အမှုဆောင်အရာရှိက ရှင်းလင်းဆွေးနွေးပြီး မြို့နယ်လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန မြို့နယ်ဦးစီးမှူး ဦးထင်အောင်ကျော်က လယ်ယာမြေနှင့် ပတ်သက်၍ ရောင်းဝယ်ခြင်း ပေါင်နှံခြင်းများအား တရားဝင်စာချုပ်စာတမ်းနှင့် မှတ်ပုံတင်ရန်ကို လည်းကောင်း၊ မြို့နယ်လဝက ဦးစီးဌာနမှ ဦးစီးမှူးက မွေးသေစာရင်းများနှင့် နိုင်ငံသားစိစစ်ရေးကတ်များ သစ္စာစီမံချက်ဖြင့် ဆောင်ရွက်ပေးနေမှု အခြေအနေများကို ရှင်းလင်းဆွေးနွေးပြီး အသက်(၁၀)နှစ်ပြည့် နိုင်ငံသားမှတ်ပုံတင်များကို နေ့ချင်းပြီး ဆောင်ရွက်ပေးခဲ့သည်။
ယခုကဲ့သို့ (OSS)ရုံးမှ ပြည်သူ့ဝန်ဆောင်မှု လုပ်ငန်းများကို တစ်နေရာတည်းတွင် လာရောက်လုပ်ကိုင်ပေးခြင်းဖြင့် ကျေးရွာပြည်သူ လူထုများအနေဖြင့် အချိန်ကုန်ငွေကုန် သက်သာစေပြီး လုပ်ငန်းများ အဆင်ပြေ၍ ကျေနပ်ဝမ်းသာလျက်ရှိကြောင်း ကျွန်းရွာရှိဒေသခံပြည်သူတစ်ဦးထံမှ သိရသည်။
ချိုမြတ်မြတ်ထွေး( ကျိုက်မရော )