လောက်ကိုင် ၁၄ အောက်တိုဘာ
လောက်ကိုင်မြို့တွင် မြန်မာ့ရိုးရာသီတင်းကျွတ်ပွဲတော် နိဗ္ဗာန်ဈေးအလှူတော်ပွဲနှင့်ဆီမီး (၉၀ဝ၀) ကပ်လှူပွဲကို ယမန်နေ့ ညနေပိုင်းက အောင်သစ္စာ မဟာဓာတ်စုရန်ငြိမ်းအေးစေတီတော်၌ စည်ကားသိုက်မြိုက်စွာကျင်းပ ပြုလုပ်ခဲ့သည်။
နိဗ္ဗာန်ဈေးအလှူတော်ပွဲနှင့် ဆီမီး(၉၀ဝ၀)ကပ်လှူပွဲကို ကိုးကန့်ကိုယ်ပိုင်အုပ်ချုပ်ခွင့်ရ ဒေသ၊ ဒေသဦးစီးအဖွဲ့မှဦးစီးပြီး ဌာနဆိုင်ရာများနှင့် ဒေသခံတိုင်းရင်းသားပြည်သူတို့ စုပေါင်း လှူဒါန်း ကျင်းပပြုလုပ်ခြင်းဖြစ်ပါသည်။
ထိုနိဗ္ဗာန်ဈေး အလှူတော်ပွဲတွင် အိုးစည်၊ ဒိုးပတ်ဝိုင်းများဖြင့်သီဆို ဧည့်ခံဖျော်ဖြေကြပြီး စားသောက်ဖွယ်ရာမျိုးစုံ ၊ ရိုးရာမုန့်ပဲသရေစာများကို ကျွေးမွေးလှူဒါန်းကြရာ မြို့နေဒေသခံ ပြည်သူများကပျော်ရွှင်စွာလာရောက်ဆင်နွဲခဲ့ကြပြီးနောက် အောင်သစ္စာမဟာဓါတ်စုရန်ငြိမ်းအေး စေတီတော်၌ ဆီမီး(၉၀ဝ၀) ကိုစည်ကားသိုက်မြိုက်စွာ ကပ်လှူခဲ့ကြကြောင်းသိရသည်။
သင်းလှိုင်(ပြန်/ဆက်)