မိုင်းယောင်း ၁ ဇန်နဝါရီ
ရှမ်းပြည်နယ်(အရှေ့ပိုင်း) တာချီလိတ်ခရိုင် မိုင်းယောင်းမြို့နယ် မုန်းလိုက်ကျေးရွာအုပ်စု လော့ငိုးကျေးရွာ ဘုန်းတော်ကြီးကျောင်း ဓမ္မာရုံတွင် ၂၀၁၈ ခုနှစ် ဒီဇင်ဘာ ၂၉ ရက် နံနက် ၁၀ နာရီခွဲက မြို့နယ်ပြန်ကြား ရေးနှင့် ပြည်သူ့ဆက်ဆံရေးဦးစီးဌာနမှ စီစဉ်ကျင်းပသော ကျေးလက်ဒေသဖွံ့ဖြိုးရေး ပြည်သူ့စကားဝိုင်း ပြုလုပ်ခဲ့ကြောင်း သိရသည်။
ရှေးဦးစွာ ပြည်နယ်လွှတ်တော်ကိုယ်စားလှယ် ဦးအိုက်ခမ်းလှိုင်နှင့် မြို့နယ်စီမံခန့်ခွဲမှုကော်မတီ ဥက္ကဋ္ဌ မြို့နယ်အုပ်ချုပ်ရေးမှူး ဦးညီညီဝင်းက အမှာစကားပြောကြားပြီး ပြည်နယ်လွှတ်တော်ကိုယ်စားလှယ်၊ မြို့နယ်အုပ်ချုပ်ရေးမှူးနှင့် ဌာနဆိုင်ရာများက ဌာနအလိုက် ဦးဆောင်ဆွေးနွေးခဲ့ကြသည်။
ထို့နောက် တက်ရောက်လာသူများက လမ်း၊ တံတား၊ ပညာရေး၊ ကျန်းမာရေးနှင့် ကျေးလက်ဒေသ မီးလင်းရေး၊ သောက်သုံးရေ ဖူလုံစွာရရှိရေး စသည့် ကျေးလက်ဒေသ၏ အခြေခံလိုအပ်ချက်များကို မေးမြန်းဆွေးနွေးခဲ့ကြရာ ပြည်နယ်လွှတ်တော်ကိုယ်စားလှယ်၊ မြို့နယ်အုပ်ချုပ်ရေးမှူးနှင့် သက်ဆိုင်ရာ တာဝန်ရှိသူများက ပြန်လည်ရှင်းလင်းဖြေကြားပေးခဲ့ကြောင်း သိရသည်။
စိုင်းအောင်ဇော်လင်း(ပြန်/ဆက်)
.jpg)
