လှိုင်းဘွဲ ၆ နိုဝင်ဘာ
ကရင်ပြည်နယ် လှိုင်းဘွဲမြို့နယ်တွင် ၂၀၂၀ ပြည့်နှစ် အထွေထွေရွေးကောက်ပွဲအတွက် အောက်တိုဘာ ၂၉ ရက်နေ့တွင် ကြိုတင်ဆန္ဒမဲပေးခြင်း လုပ်ငန်းများ ဆောင်ရွက်လျက်ရှိရာ အသက်(၆၀)နှစ်အထက် ကျန်းမာရေး မကောင်း၍ ကြိုတင်ဆန္ဒမဲပေးရန် မလာရောက်နိုင်သော မဲဆန္ဒရှင်ပြည်သူများအနေဖြင့် အိမ်တိုင်ရာရောက် ကြိုတင်ဆန္ဒမဲပေးနိုင်ရေး လုပ်ငန်းများကို ယနေ့နံနက်ပိုင်းက လှိုင်းဘွဲမြို့ (ခ)ရပ်ကွက်၌ ဆောင်ရွက်ပေးလျက်ရှိကြောင်း သိရသည်။
အဆိုပါ ကြိုတင်ဆန္ဒမဲပေးခြင်း လုပ်ငန်းများကို သက်ဆိုင်ရာ ရပ်ကွက်/ကျေးရွာ ရွေးကောက်ပွဲ ကော်မရှင်အဖွဲ့ဥက္ကဋ္ဌ၊ အတွင်းရေးမှူး၊ မဲရုံအဖွဲ့ဝင်များ၊ အထူးရဲတပ်တပ်ဖွဲ့ဝင်များ၊ ပါတီကိုယ်စားလှယ်များက အသက်(၆၀)နှစ်အထက် သက်ကြီးဘိုးဘွားများ၊ နာမကျန်းဖြစ်နေသူများ၊ ကလေးမီးဖွားနေသူများ၊ မသန်စွမ်းသူများအား မဲပေးပိုင်ခွင့် မဆုံးရှုံးစေရေးအတွက် ရွေ့လျားဆန္ဒမဲပေး စနစ်ဖြင့် အိမ်တိုင်ရာရောက် ကြိုတင်ဆန္ဒမဲပေးခြင်း လုပ်ငန်းများကို မဲရုံများအလိုက် ကွင်းဆင်း ဆောင်ရွက်ပေးလျက်ရှိကြောင်း သိရှိရသည်။
ခင်စန်းမြင့်(ပြန်/ဆက်)
