ရန်ကုန် ၁၇ ဇူလိုင်
ရန်ကုန်တိုင်းဒေသကြီး၊ မြောက်ပိုင်းခရိုင်၊ လှိုင်သာယာ(အနောက်ပိုင်း)မြို့နယ် အမှတ်(၁၆)ရပ်ကွက်၌ လမ်းကွန်ကရစ်ခင်းခြင်း ဆောင်ရွက်ရန်နှင့် လမ်းများကွန်ကရစ်ခင်းဆောင်ရွက်ပြီးစီးမှုများအား ယမန်နေ့ မွန်းလွဲပိုင်းက လှိုင်သာယာမြို့နယ် အမှတ်(၂)တိုင်းဒေသကြီး လွှတ်တော်ကိုယ်စားလှယ် ဦးမြတ်မင်းသူ၊ စည်ပင် EO ဦးသိန်းလွင်၊ ရပ်/ကျေး အလုပ်အမှုဆောင်နှင့် တာဝန်ရှိသူများက ရေရှည်ခိုင်ခံ့မှုရှိစေရေး ကွင်းဆင်း ကြည့်ရှုခဲ့ကြသည်။
ထိုသို့ ဆောင်ရွက်ရာတွင် လှိုင်သာယာမြို့နယ် လွှတ်တော်ကိုယ်စားလှယ်များ တင်ပြတောင်းဆိုမှုကြောင့် တိုင်းဒေသကြီးအစိုးရမှ စီမံဆောင်ရွက်ပေးမှုဖြင့် (၂၀၁၉−၂၀၂၀) တိုင်းဒေသကြီး ဘတ်ဂျက်ဖြင့် မိုးရာသီတွင် အများပြည်သူသွားလာရေး အဆင်ပြေစေရန် လှိုင်သာယာ(အနောက်ပိုင်း)မြို့နယ် အမှတ်(၁၆)ရပ်ကွက်ရှိ သူရိယလမ်း ကွန်ကရစ်ခင်းရန် ဆောင်ရွက်နေမှု၊ ရွှေသဇင်လမ်း၊ ဇေယျာသီရိ(၆)လမ်း၊ မင်းတပ်(၁)လမ်း၊ မင်းတပ်(၂)လမ်း၊ မင်းတပ်(၃)လမ်းများ ကွန်ကရစ်ခင်း ဆောင်ရွက်ပြီးစီးမှု အခြေအနေများအား ကွင်းဆင်းကြည့်ရှုခဲ့ကြောင်း သိရသည်။
မြသန္တာဝင်း
