ကျောက်ပန်းတောင်း အောက်တိုဘာ ၁၈
မန္တလေးတိုင်းဒေသကြီး၊ ကျောက်ပန်းတောင်းမြို့နယ် ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနမှ မင်းခေါင်း တောင်ကျေးရွာအုပ်စု၊ အောင်ချမ်းသာကျေးရွာမှ အသင်းဝင်တောင်သူများထံ စီမံကိန်းရန်ပုံငွေကျပ်သန်း (၄၀.၁၃)သန်း ထုတ်ချေးခြင်းကို၊ အောက်တိုဘာ (၁၈)ရက် နံနက်(၁၀)နာရီက အဆိုပါကျေးရွာရှိ မြစိမ်းရောင်ကော်မတီ အတွင်းရေးမှူးနေအိမ်တွင် ပြုလုပ်ခဲ့ကြောင်း သိရသည်။
အောင်ချမ်းသာကျေးရွာ မြစိမ်းရောင်ကျေးရွာစီမံကိန်း အရင်းအပျောက် လည်ပတ်ရန်ပုံငွေ ထုတ်ချေးခြင်းကို၊ ၂၀၁၇-၂၀၁၈ ခု၊ ဘဏ္ဍာရေးနှစ်မှစတင် အကောင်အထည်ဖော် ဆောင်ရွက်ခဲ့ခြင်းဖြစ်ပြီး၊ စိုက်ပျိုးရေးလုပ်ကိုင်သူ (၉၄)ဦး၊ မွေးမြူရေးလုပ်ကိုင်သူ (၃၇)ဦး၊ အရောင်းအဝယ်လုပ်ကိုင်သူ (၄)ဦး၊ မီးလင်းရေးလုပ်ငန်းလုပ်ကိုင်သူ (၁)ဦး စုစုပေါင်း (၁၃၆)ဦးရှိကြောင်းနှင့် ယခုနှစ်သည် ဆဌမအကြိမ်မြောက် ထုတ်ချေးခြင်းဖြစ်ကြောင်း သိရသည်။
နေအောင်(ပြန်/ဆက်)
