မောင်တော ၁၉ ဇန်နဝါရီ
ရခိုင်ပြည်နယ် မောင်တောမြို့နယ်၌ လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနမှ ၂၀၁၉-၂၀၂၀ ဘဏ္ဍာရေးနှစ်အတွက် အသက် ၈၅ နှစ်အထက် ဘိုးဘွားများအား ထောက်ပံ့ခြင်းကို ဇန်နဝါရီ ၁၇ ရက်၊ ၁၈ ရက်နေ့များတွင် မြို့ပေါ်ရပ်ကွက်များတွင် မြေပြင်ကွင်းဆင်း၍ သွားရောက်ပေးအပ်ခဲ့ကြသည်။
ထို့သို့ပေးအပ်ရာတွင် ခရိုင်လူမှုဝန်ထမ်းရုံးမှ ခရိုင်ဦးစီးမှူး ဦးစီးအရာရှိ ဒေါ်ခင်လှနွယ်နှင့် တာဝန်ရှိသူများက မြို့ပေါ်ရပ်ကွက်များရှိ အသက် ၈၅ နှစ်အထက် ဘိုးဘွား(၄၀)ဦးအား လူမှုရေးပင်စင် ထောက်ပံ့ ငွေပေးအပ်ခဲ့ကြပြီး ကျေးရွာများရှိ အသက် ၈၅ နှစ်အထက် ဘိုးဘွား(၆၆)ဦးအား သက်ဆိုင်ရာ ကျေးရွာအုပ်ချုပ်ရေးမှူးများက သွားရောက်ပေး အပ် သွားမည်ဖြစ်သည်။ ယခု ပေးအပ်သော လူမှုရေးပင်စင်များမှာ ၂၀၁၉-၂၀၂၀ ဘဏ္ဍာရေးနှစ်၊ ပထမ သုံးလပတ် (အောက် တိုဘာ ၊ နိုဝင်ဘာ ၊ ဒီဇင်ဘာ)လများအတွက် ထောက်ပံ့ပေးအပ်ရခြင်းဖြစ်ကြောင်း သိရသည်။
သက်လွင်စိုး(ပြန်/ဆက်)