နေပြည်တော် ၂ နိုဝင်ဘာ
မြိုင်မြို့နယ်၊ ဝယ်တောင် (မ) ကျေးရွာအနောက်တောင်ဘက် ၂ မိုင်ခန့်အကွာရှိ သပြေညို ရေနံမှော် အတွင်း၌ နိုဝင်ဘာလ ၁ ရက်နေ့ ညနေ ၅ နာရီ ၁၅ မိနစ်က ရေနံတွင်းမီးလောင်မှု ဖြစ်ပွားခဲ့ကြောင်း သိရသည်။
ဖြစ်စဉ်မှာ သပြေညိုရေနံမှော်အတွင်း၌ ဝယ်တောင် (တ) ကျေးရွာနေ ရေနံတွင်းပိုင်ရှင် ဖိုးလပြည့် (၂၇) နှစ်နှင့် အလုပ်သမား ကိုမြင့်အောင် (၃၅) နှစ်တို့သည် အင်ဂျင်စက်ဖြင့် ဆီခပ်နေစဉ် ရေနံတွင်းဂက်စ်မှတစ်ဆင့် မီးစတင်လောင်ကျွမ်းခဲ့ရာ ရေနံတွင်း၏မြောက်ဘက် ၁၃ ပေခန့်အကွာရှိ ၁၅ ပေပတ်လည် အနက် ၁၀ ပေခန့် မြေကြီးအတွင်းလှောင်ထားသည့် ရေနံစိမ်း ပီပါ အလုံး ၃၀ ခန့်အား မီးကူးစက်လောင်ကျွမ်းခဲ့သည်။
မီးလောင်မှုအား ဝိုင်းဝန်းငြှိမ်းသတ်ခဲ့ရာ ည ၈ နာရီ ၂၅ မိနစ်အချိန်တွင် မီးငြိမ်းသွားကြောင်းနှင့် မီးလောင်မှုနှင့်ပတ်သက်၍ ဖိုးလပြည့်အား ဗဟင်းနယ်မြေရဲစခန်းမှ အမှုဖွင့်စစ်ဆေးလျက်ရှိ ကြောင်း မြန်မာနိုင်ငံရဲတပ်ဖွဲ့မှ သတင်းရရှိသည်။
MDN
မြိုင်မြို့နယ်၌ ရေနံတွင်းမီးလောင်မှုဖြစ်ပွား
