နေပြည်တော် ၁၁ အောက်တိုဘာ
မြင်းမူမြို့မရဲစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့သည် အောက်တိုဘာ ၁၀ ရက် နံနက်ပိုင်းက မြင်းမူမြို့ အနောက်ပိုင်းရပ်ကွက် လွတ်လပ်ရေး ကျောက်တိုင်အနီးတွင် တွေ့ရှိသူ မြင့်လွင်(ခ)နန်းစတော့ အား ရှာဖွေရာ စိတ်ကြွရူးသွပ်ဆေးပြား ၄၀၃၂ ပြား၊ မြန်မာငွေကျပ် ၃၀၁၀ဝ နှင့် လက်ကိုင်ဖုန်းတစ်လုံးတို့ကို သိမ်းဆည်းရမိခဲ့သည်။
အလားတူ ယင်းနေ့ နံနက် ၁ နာရီခွဲက တာချီလိတ်မြို့မရဲစခန်းမှ တပ်ဖွဲ့ဝင်များ ပါဝင်သော ပူးပေါင်းအဖွဲ့သည် တာချီလိတ်မြို့၊ ဝမ်ကောင်းရပ်ကွက်၊ ဂေါက်ကွင်းလမ်းတွင် စိုင်းအွတ် မောင်းနှင်ပြီး အောင်ကျော်ထက်(ခ)အပွိုင့် လိုက်ပါလာသည့် မော်တော်ဆိုင်ကယ်ကို ရပ်တန့်ရှာဖွေရာ စိတ်ကြွရူးသွပ်ဆေးပြား ၁,၉၉၇ ပြား သိမ်းဆည်းရမိခဲ့သဖြင့် ၄င်းတို့အား မူးယစ်ဆေးဝါးနှင့်စိတ်ကို ပြောင်းလဲ စေသောဆေးဝါးများ ဆိုင်ရာဥပဒေအရ အရေးယူထားကြောင်း မြန်မာနိုင်ငံရဲတပ်ဖွဲ့မှ သိရသည်။
MDN
