ကျိုက် မရော ၂၉ နိုဝင်ဘာ
မွန်ပြည်နယ်၊ ကျိုက် မရော မြို့နယ်တွင်အိမ်ရှင်အဖြစ် လက်ခံကျင်းပသည့် ၂၀၁၉ခုနှစ်မွန်ပြည်နယ် ဝန်ကြီးချုပ်(ဖလား) (၁၀)မြို့နယ် အသက် ၂၁ နှစ်အောက် အမျိုးသားဘောလုံးပြိုင်ပွဲ ဖွင့်ပွဲ အခမ်းအနားကို ယနေ့ညနေ ၃နာရီက ကျိုက်မရောမြို့နယ်၊အားကစားကွင်း၌ စည်ကားသိုက်မြိုက်စွာကျင်းပခဲ့သည်။
ရှေးဦးစွာ ပြိုင်ပွဲဝင် အသင်းများကအားကစားကွင်း အတွင်း သတ်မှတ်နေရာအသီးသီးတွင် နေရာယူပြီး ကျိုက်မရော မြို့နယ်မှဂုဏ်ပြု အဖွင့်သီချင်းဖြင့်ဖျော်ဖြေတင်ဆက်သည်။ ဆက်လက်၍ မွန်ပြည်နယ် ဝန်ကြီးချုပ်ကိုယ်စား လူမူရေး ဝန်ကြီးဒေါက်တာ ထိန်လင်း ကပြိုင်ပွဲအား အဖွင့်မိန့်ခွန်းပြောကြား၍ ဖွင့်လှစ်ပေးပြီး ပြိုင်ပွဲဝင် အားကစားသမားများကအားကစားသစ္စာ အဓိဌာန် ရွတ်ဆိုကာအားကစားကွင်း အတွင်းမှ ပြန်လည် ထွက်ခွာသွားကြသည်။ ယင်းနောက် ကျိုက်မရော မြို့နယ် မှသရုပ်ပြ အဖွဲ့များ မှ Fitness Dance ဖြင့်သရုပ်ပြသခြင်း ၊ ကရင်ဒုံးယိမ်းအကများဖြင့်ဖျော်ဖြေတင်ဆက်ခဲ့ကာဘောလုံးပြိုငိပွဲ ကွင်းဖွင့်ပွဲ အဖွင့်ပွဲစဥ်အဖြစ် အိမ်ရှင် ကျိုက်မရောမြို့နယ် လက်ရွေးစင် အသင်းနှင့် မော်လမြိုင် မြို့နယ် လက်ရွေးစဉ်အသင်း တို့ ယှဉ်ပြိုင် ကစားခဲ့ကြမည်ဖြစ်သည် ။
ဖွင့်ပွဲအခမ်းအနားသို့ မွန်ပြည်နယ် အစိုးရအဖွဲ့ဝင်ဝန်ကြီးများ၊ ပြည်နယ်အဆင့်ဌာနဆိုင်ရာ အကြီးအကဲများ မြို့နယ်ဌာနဆိုင်ရာများ၊ ဆယ်မြို့နယ် ပြိုင်ပွဲဝင် အားကစားသမားများနှင့် ဘောလုံးဝါသနာရှင်များက အားကစားကွင်းပြည့်လျံသည် အထိ အားပေးခဲ့ကြကြောင်း သိရသည်။
ချို မြတ်မြတ်ထွေး( ကျိုက်မရော )