မုံးကိုး ၂၉ ဇူလိုင်
ရှမ်းပြည်နယ်(မြောက်ပိုင်း) မူဆယ်ခရိုင် မုံးကိုးမြို့၌ ၂၀၂၀ ပြည့်နှစ် ပါတီစုံဒီမိုကရေစီ အထွေထွေ ရွေးကောက်ပွဲတွင် မဲဆန္ဒရှင်များ မဲပေးနိုင်ရေးအတွက် မဲစာရင်းများထုတ်ပြန်ကြေညာခြင်းကို ဇူလိုင် ၂၅ ရက်မှ စတင်ပြီး မုံးကိုးမြို့၊ မြို့ပေါ်ရပ်ကွက်နှင့် ကျေးရွာအုပ်စုအသီးသီးရှိ သတ်မှတ်ထားသော နေရာများ တွင် ထုတ်ပြန်ကြေညာသည်။
မုံးကိုးမြို့တွင် ရက်ကွက် ၇ ရပ်ကွက်၊ ကျေးရွာအုပ်စု ၂၁ အုပ်စုရှိပြီး မဲရုံ ၃၁ ရုံ၊ မဲဆန္ဒရှင်ဦးရေ ၁၅၅၆၇ ဦးရှိကြောင်း သိရသည်။
ဆက်လက်ပြီး ပြည်သူများက မဲစာရင်းလာရောက်ကြည့်ရှုမှု အခြေအနေနှင့် အမည်စာရင်းများ ကပ်ထားမှုအခြေအနေတို့ကို ယနေ့နံနက် ၁၀ နာရီက မြို့အုပ်ချုပ်ရေးမှူးဦးမျိုးလွင်နှင့် တာဝန်ရှိသူများ က လာရောက်ကြည့်ရှု လေ့လာခဲ့ကြောင်း သိရသည်။
သန်းဇော်ဦး(ပြန်/ဆက်)
