မုံရွာ ၄ ဖေဖော်ဝါရီ
မြန်မာ-အိန္ဒိယ နှစ်နိုင်ငံချစ်ကြည်ရေး အမျိုးသမီးဘောလုံးပြိုင်ပွဲကို ဖေဖော်ဝါရီ ၃ ရက် ညနေ ၃ နာရီက မုံရွာမြို့ ပြည်သူ့အားကစားကွင်းတွင် ကျင်းပခဲ့ကြောင်း သိရသည်။
အခမ်းအနားတွင် စစ်ကိုင်းတိုင်းဒေသကြီးဝန်ကြီးချုပ် ဒေါက်တာမြင့်နိုင်က ကြိုဆိုနှုတ်ခွန်းဆက်စကား ပြောကြားပြီး အိန္ဒိယနိုင်ငံ မဏိပူရ်ပြည်နယ် လွှတ်တော်ဥက္ကဋ္ဌ Mr. Shri Y. Khemchand Singh က အမှာစကား ပြောကြားခဲ့သည်။
အဆိုပါ ဘောလုံးပြိုင်ပွဲတွင် မြန်မာနိုင်ငံကိုယ်စားပြု (စစ်ကိုင်းတိုင်းဒေသကြီး) အားကစားနှင့် ကာယပညာသိပ္ပံ အမျိုးသမီး အသင်းနှင့် အိန္ဒိယနိုင်ငံ ကိုယ်စားပြု မဏိပူရ်ပြည်နယ်(ခ) အမျိုးသမီးအသင်းတို့ ယှဉ်ပြိုင်ကစားကြရာ (စစ်ကိုင်းတိုင်းဒေသကြီး) အားကစားနှင့် ကာယပညာသိပ္ပံ အမျိုးသမီးအသင်းက နှစ်ဂိုး-ဂိုးမရှိဖြင့် အနိုင်ရရှိခဲ့သည်။
ထို့နေက် ပြိုင်ပွဲတွင် အနိုင်ရရှိခဲ့သော မြန်မာနိုင်ငံကိုယ်စားပြု စစ်ကိုင်းတိုင်းဒေသကြီး အားကစားနှင့် ကာယပညာသိပ္ပံ အမျိုးသမီးအသင်းအား စစ်ကိုင်းတိုင်းဒေသကြီး ဝန်ကြီးချုပ်၏ ဇနီးဒေါ်တင့်တင့် (စစ်ကိုင်းတိုင်းဒေသကြီး အမျိုးသမီးရေးရာကော်မတီ နာယက)က ပထမ တံခွန်စိုက်ဆုဖလားကို ပေးအပ်ချီးမြှင့်ခဲ့ပြီး အိန္ဒိယနိုင်ငံ ကိုယ်စားပြု မဏိပူရ်ပြည်နယ်(ခ) အမျိုးသမီးအသင်းအား စစ်ကိုင်းတိုင်းဒေသကြီး အမျိုးသမီးရေးရာကော်မတီ ဥက္ကဌ ဒေါ်မာမာဝင်းက ဒုတိယဆုဖလားကို ပေးအပ်ချီးမြှင့်ခဲ့သည်။
ထွန်းကိုကို(ယင်းမာပင်)
