လဟယ် ၁၉ မတ်
စစ်ကိုင်းတိုင်းဒေသကြီး၊ နာဂကိုယ်ပိုင်အုပ်ချုပ်ခွင့်ရဒေသ၊ လဟယ်မြို့နယ်၊ ကျေးလက်ဒေသ ဖွံ့ဖြိုးတိုးတက်ရေးဦးစီးဌာန ရုံးသစ်ဖွင့်ပွဲ အခမ်းအနားကို ၂၀၁၈ ခုနှစ်၊ မတ်လ ၁၈ ရက် နံနက် ၁၀ နာရီအချိန် လဟယ်မြို့ ကျေးလက်ရုံး၌ ကျင်းပပြုလုပ်ပါသည်။
အဆိုပါအခမ်းအနားသို့ နာဂကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဋ္ဌ ဦးကေဆိုင်းနှင့် ဦးစီးအဖွဲ့အလုပ်အမှုဆောင် ဦးလော်ယုံ၊ ကျေးလက်ဒေသဖွံ့ဖြိုးတိုးတက်ရေးဦးစီးဌာနမှညွှန်ကြားရေးမှူးချုပ် ဦးခန့်ဇော်၊ တိုင်းကျေး/ လက်ဦးစီးမှူး ဦးဝင်းကျော်မျိုး (ညွှန်ကြားရေးမှူး) နာဂဒေသကျေး/လက်ဦးစီးမှူး ဦးအောင်မြင့်သန်း(ဒုတိယညွှန်ကြားရေးမှူး)၊ လဟယ်မြို့နယ်စီမံခန့်ခွဲမှုကော်မတီဥက္ကဋ္ဌ ဦးဇင်မင်းဌေးနှင့် အဖွဲ့ဝင်များ၊ နာဂဒေသရှိ မြို့နယ်ကျေးလက်ဦးစီးမှူးများ ဌာနဆိုင်ရာများ တက်ရောက်ပါသည်။
ရှေးဦးစွာ လဟယ်မြို့နယ်ကျေးလက်ဦးစီးမှူး ဦးခေါင်းပေါ့မှ ရုံးသစ်ဖွင့်လှစ်ခြင်းနှင့်ပတ်သက်၍လည်းကောင်း၊ ၂၀၁၂-၂၀၁၃ ဘဏ္ဍာနှစ်မှ ၂၀၁၇-၂၀၁၈ ဘဏ္ဍာနှစ်အထိ ကျေးလက်ဒေသဖွံ့ဖြိုးတိုးတက်ရေးဦးစီးဌာန ခွင့်ပြုရန်ပုံငွေဖြင့် ဆောင်ရွက်ခဲ့သော လုပ်ငန်းများကို ရှင်းလင်းတင်ပြပါသည်။
ထို့နောက် လဟယ်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနရုံးသစ်ကို နာဂဒေသ ဦးစီးအဖွဲ့ဥက္ကဋ္ဌ ဦးကေဆိုင်း၊ နာဂဦးစီးအလုပ်အမှုဆောင် ဦးလော်ယုံ၊ တိုင်းကျေး/လက်ဦးစီးမှူး ဦးဝင်းကျော်မျိုးတို့က ဖဲကြိုးဖြတ်ဖွင့်လှစ်ပြီး ညွှန်ကြားရေးမှူးချုပ် ဦးခန့်ဇော်က လဟယ်ကျေးလက် ရုံးဆိုင်းဘုတ်အား အမွှေးနံ့သာရေးများဖြင့် ပတ်ဖြန်းပေးပါသည်။ ယင်းနောက် တက်ရောက်ချီးမြှင့်ပေးကြသော လူကြီးများက ရုံးသစ်အား လှည့်လည်ကြည့်ရှုကာ အခမ်းအနားကို နံနက် ၁၀ နာရီအချိန် အောင်မြင်စွာပြီးစီး ခဲ့ပါသည်။
အဆိုပါရုံးအဆောက်အဦးကို ၂၀၁၇-၂၀၁၈ ဘဏ္ဍာနှစ်တွင် ကျေးလက်ဒေသဖွံ့ဖြိုးတိုးတက်ရေး ဦးစီးဌာနခွင့်ပြုရန်ပုံငွေကျပ်သန်း (၈၇.၃၂) ဖြင့်ဆောက်လုပ်ခဲ့ပြီး အလျား ၆၄’×အနံ ၆၄’ အမြင့် ၁၂’ (RC) အုပ်ညှပ် (၁) ထပ်အမျိုးအစားဖြစ်ကြောင်း လဟယ် (ပြန်/ဆက်)မှ သတင်းရရှိသည်။
MDN
