ငွေဆောင် ၂၈ ဇူလိုင်
ဧရာဝတီတိုင်းဒေသကြီး ပုသိမ်ခရိုင် ငွေဆောင်မြို့တွင် ၂၀၂၀ပြည့်နှစ် အထွေထွရွေးကောက်ပွဲတွင် အသက်(၁၈) နှစ်ပြည့်ပြီးသူတိုင်း ဆန္ဒမဲပေးပိုင်ခွင့် မဆုံးရှုံးစေရေးအတွက် နိုင်ငံသားစိစစ်ရေး ကတ်ပြားမရှိသော သူများအား ငွေဆောင်မြို့ လူဝင်မှုကြီးကြပ်ရေးနှင့် ပြည်သူ့အင်အားဆိုင်ရာ မြို့ဦးစီးမှူးရုံးမှ ကွင်းဆင်း၍ ယနေ့နံနက်ပိုင်းက ကြက်တူရွေး ကျေးရွာအုပ်စု၌ ဆောင်ရွက်ခဲ့ကြောင်း သိရသည်။
ငွေဆောင်မြို့အတွင်းရှိ ရပ်ကွက်/ကျေးရွာ အုပ်စုများတွင် မဲဆန္ဒရှင်စာရင်း၌ ပါဝင်သော်လည်း အကြောင်းအမျိုးမျိုးကြောင့် နိုင်ငံသား စိစစ်ရေးကတ် မရှိသူများအား စိစစ်တွေ့ရှိရ၍ ငွေဆောင်မြို့ လူဝင်မှု ကြီးကြပ်ရေးနှင့် ပြည်သူ့အင်အားဆိုင်ရာ မြို့ဦးစီးမှူးဦးသက်ခိုင်မှ ကွင်းဆင်းဆောင်ရွက် ပေးခြင်းဖြစ်ပြီး ကျန်ရှိနေသော ရပ်ကွက်/ကျေးရွာများတွင်လည်း ဆက်လက် ဆောင်ရွက်သွားမည် ဖြစ်ကြောင်း၊ လူစုလူဝေးမဖြစ်ပေါ်စေရေးအတွက်ကျန်းမာရေးနှင့် အားကစားဝန်ကြီးဌာန၏ လမ်းညွှန်ချက်များနှင့်အညီ ဆောင်ရွက်ခဲ့ကြောင်း သိရသည်။
မူမူသွင်(ပြန်/ဆက်)
