နေပြည်တော် ၁ သြဂုတ်
ပြည်သူပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှုသတင်းပို့စနစ်ဖြင့် သတင်းပေးပို့ချက်အရ ဇူလိုင် ၂၆ ရက်မှ ၃၁ ရက်အတွင်း ပူးပေါင်းအဖွဲ့သည် ပဲခူးတိုင်းဒေသကြီး၊ တောင်ငူခရိုင်၊ အုတ်တွင်းမြို့နယ်၊ ခပေါင်းကြိုးဝိုင်းအကွက်အမှတ် (၆၀)အတွင်း faw ယာဉ်ပေါ်မှ တရားမဝင် ကျွန်းသစ်/လုံးပတ် (၃)ပေအောက်ကျွန်းသစ် (၂ ဒသမ ၈၉၀ဝ)တန်၊ တရားခံ(၂)ဦး၊ တနင်္သာရီတိုင်းဒေသကြီး၊ မြိတ်ခရိုင်၊ ကျွန်းစုမြို့နယ်၊ အနောက်စူဠာကျွန်း အနောက်ဘက်ရေပြင်တွင် စက်လှေ(၁)စီးပေါ်မှ တရားမဝင်ပိတောက်ခွဲသား (၃၄ ဒသမ ၅၀၄၆)တန်အား တရားခံ(၆)ဦးနှင့်အတူ ဖမ်းဆီးရမိခဲ့ပြီး ဇူလိုင် ၃၀ ရက်တွင် ကျွန်းစုမြို့နယ်၊ သစ်တောဦးစီးဌာနသို့ လွှဲအပ်လာပါသဖြင့် တရားခံများအား ဥပဒေနှင့်အညီ ထိရောက်စွာ အရေးယူနိုင်ရေး သက်ဆိုင်ရာရဲစခန်းတွင် အမှုဖွင့်လှစ်ဆောင်ရွက်လျက်ရှိသည်။
ထို့ပြင် ရှမ်းပြည်နယ်(တောင်ကြီး)၊ တောင်ကြီးခရိုင်၊ ကလောမြို့နယ်(ပူးတွဲ) ပင်လောင်း မြို့နယ်၊ ပင်လောင်း-ပျဉ်းမနားသွားကားလမ်း၊ မိုင်တိုင်အမှတ်(၄၇/၁)နှင့် (၄၇/၂) ကြားရှိတောတွင်းနေရာ ယာဉ်(၂)စီးပေါ်မှ တရားမဝင်ပိတောက်စကွဲယား (၂ ဒသမ ၁၇၃၄)တန်၊ စစ်ကိုင်းတိုင်းဒေသကြီး၊ မုံရွာ/ယင်းမာပင်ခရိုင်၊ ယင်းမာပင်မြို့နယ် တရော်ကျင်းကျေး ရွာအနီး၊ မုံရွာ-ယာကြီးလမ်း(၉/၃)အနီး တရားမဝင်ပိတောက်ခွဲသား (၁ ဒသမ ၃၃၇၂) တန်အား ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိကြောင်း သစ်တောဉီးစီးဌာနမှ သိရသည်။
မောင်မောင်မျိုး
