နေပြည်တော် ၁၄ နိုဝင်ဘာ
ရှမ်းပြည်နယ်၊ ဖယ်ခုံမြို့နယ်ရဲတပ်ဖွဲ့မှူး ရဲမှူးလင်းနိုင် ဦးစီးပူးပေါင်းအဖွဲ့သည် နိုဝင်ဘာ ၁၃ ရက်က ဖယ်ခုံမြို့နယ်၊ ကောကူကျေးရွာ၏ မြောက်ဘက် ၁ မိုင်ခန့်အကွာ၌ အမြင့် ၂ ပေခန့် သီးပွင့်ဆဲ ဘိန်းစိုက်ခင်း ၁၀ ဧကခန့်နှင့် ငုပလိုငံကျေးရွာ၏ အနောက်မြောက်ဘက် ၁ မိုင်ခွဲခန့်အကွာ၌ အမြင့် ၂ ပေခန့် သီးပွင့်ဆဲဘိန်းစိုက်ခင်း ၁၅ ဧကခန့်တို့အား ဖျက်ဆီးခဲ့ကြောင်း သိရှိရသည်။
အလားတူ လဲချားမြို့မရဲစခန်းမှ ဒုရဲအုပ်အောင်မင်း ဦးစီးပူးပေါင်းအဖွဲ့သည် လဲချားမြို့နယ်၊ ပန်းဆနန်းကျေးရွာအနီး၌ အမြင့် ၆ လက်မခန့် အပင်ပေါက် ဘိန်းစိုက်ခင်း ၅ ဧကခန့် ဖျက်ဆီးခဲ့ကြောင်း သိရသည်။
ရဲပြန်ကြား
