နေပြည်တော် ၂၀ ဇူလိုင်
ပြည်သူ့လွှတ်တော်၊ နိုင်ငံတကာ ဆက်ဆံရေးကော်မတီဥက္ကဋ္ဌ ဦးဇော်သိန်းသည် မြန်မာနိုင်ငံဆိုင်ရာ တီမောလက်စ်တေ ဒီမိုကရက်တစ် သမ္မတနိုင်ငံ သံအမတ်ကြီး H.E.Mr. Joao Freitas de Camara အား ယနေ့နံနက် ၁၀နာရီတွင် နေပြည်တော်ရှိ လွှတ်တော်ရေးရာ အဆောင်အမှတ် (I-5) အစည်းအဝေးခန်းမ၌ တွေ့ဆုံသည်။
တွေ့ဆုံစဉ် မြန်မာနိုင်ငံနှင့် တီမောနိုင်ငံတို့၏ တိုးတက်ကောင်းမွန်သော နှစ်နိုင်ငံဆက်ဆံရေး၊ တီမောနိုင်ငံ၏ ဒီမိုကရေစီဖွံ့ဖြိုးမှုနှင့် နိုင်ငံတည်ဆောက်မှု အတွေ့အကြုံများ၊ နှစ်နိုင်ငံ လွှတ်တော်ကိုယ်စားလှယ်များ အပြန်အလှန် ချစ်ကြည်ရေးခရီးစဉ်များ၊ အာဆီယံ နိုင်ငံများအသင်းတွင် တီမောနိုင်ငံ ပူးပေါင်းပါဝင်ရေးအတွက် ကြိုးပမ်းဆောင်ရွက်ချက်များ၊ တီမောနိ်ုင်ငံ၏ သယံဇာတထုတ်ယူသုံးစွဲရာတွင် အိမ်နီးချင်းနိုင်ငံများနှင့် ပူးပေါင်းဆောင်ရွက်သည့် အတွေ့အကြုံကိစ္စရပ်များကို ရင်းနှီးပွင့်လင်းစွာ ဆွေးနွေးခဲ့ကြသည်။
(သတင်းစဉ်)
