ရေဦး ၆ ဒီဇင်ဘာ
စစ်ကိုင်းတိုင်းဒေသကြီး၊ ရွှေဘိုခရိုင် ရေဦးမြို့နယ် ပင်စည်ကျေးရွာ၌ ဒီဇင်ဘာ ၅ ရက် ညပိုင်းက အရက်မူးပြီး နေအိမ်ကိုမီးရှို့၍ နေအိမ်နှစ်လုံးမီးလောင်မှုဖြစ်ပွားခဲ့ကြောင်း ရွှေဘိုခရိုင်မီးသတ်ဦးစီးမှူး လက်ထောက်ညွှန်ကြားရေးမှူး ဦးအေးမြင့် ထံမှ သိရသည်။
ဖြစ်စဉ်မှာ ရေဦးမြို့နယ်၊ ပုဏ္ဏကားကျေးရွာအုပ်စု၊ ပင်စည်ကျေးရွာတွင် ဒီဇင်ဘာ ၅ ရက် ည ၈ နာရီက ပင်စည်ကျေးရွာရှိ ဦးမြင့်စိုး (၄၈) နှစ်၏နေအိမ် မီးလောင်မှုဖြစ်ပွားခဲ့ရာ၊ ကျေးရွာနေပြည်သူ (၃၀ဝ)ဦး၊ အရန်မီးသတ်တပ်ဖွဲ့(၁၀)ဦး တို့မှ ဝိုင်းဝန်းငြှိမ်းသတ်ရာ ည ၈ နာရီ ၁၅ တွင်မီးထိန်းနိုင်၍ ည ၈ နာရီ မိနစ် ၂၀ တွင် မီးငြိမ်းသွားခဲ့ကြောင်း သိရသည်။
မီးလောင်မှု အကြောင်းအရင်းအား ရေဦးမြို့နယ်မီးသတ်ဦးစီးမှူး ဦးရန်ပိုင်ဖြိုး နှင့် ရေဦးမြို့နယ် ရဲတပ်ဖွဲ့ဝင်များ သွားရောက်စစ်ဆေးရာ အိမ်ရှင်ဦးမြင့်စိုး မှ အရက်မူး၍ လင်မယားစကားများရန်ဖြစ်ကာ နေအိမ်ကို မီးရှို့ခဲ့၍ မြေစိုက်၊ ထရံကာ၊ သက္ကယ်မိုး(၁၈×၁၈×၁၂)ပေ နေအိမ်တစ်လုံးနှင့်၊ (၂၇×၁၈×၁၂)ပေ နေအိမ်တစ်လုံး၊ စုစုပေါင်းနေအိမ်နှစ်လုံး မီးလောင်ဆုံးရှုံးခဲ့ကြောင်း သိရှိရသည်။
မိုးသောက်(ရွှေဘို)
