တောင်ကြီး ၈ ဧပြီ
ရှမ်းပြည်နယ်အတွင်း ကိုဗစ်-၁၉ ရောဂါ ကာကွယ်၊ ထိန်းချုပ်၊ ကုသရေးလုပ်ငန်းများတွင် အသုံးပြုနိုင်ရန်ရည်ရွယ်၍ ရှမ်းပြည်နယ် ပြည်သူလူထု စားနပ်ရိက္ခာ ထောက်ပံ့ရေးကော်မတီသို့ ကမ္ဘောဇဘဏ် လီမိတက်မှ ငွေကျပ်သိန်း (၃၀၀၀) တန်ဖိုးရှိ ကျန်းမာရေးအတွက် ထောက်ပံ့ပစ္စည်းများ ပေးအပ်ပွဲကို ဧပြီ ၅ ရက်က တောင်ကြီးမြို့ အမှတ်(၁) အခြေခံပညာ အထက်တန်းကျောင်း၌ ကျင်းပသည်။
လှူဒါန်းပွဲတွင် ကမ္ဘောဇဘဏ် လီမိတက် အထွေထွေမန်နေဂျာ ဒေါ်စန္ဒာဝင်းမှ ကျန်းမာရေး ထောက်ပံ့ပစ္စည်းများ ပေးအပ်ရာ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်းက လက်ခံရယူခဲ့သည်။
အဆိုပါ ကျန်းမာရေးထောက်ပံ့ပစ္စည်းများကို ရှမ်းပြည်နယ်ပြည်သူလူထု စားနပ်ရိက္ခာ ထောက်ပံ့ရေးကော်မတီမှ ယနေ့တွင် ငွေကျပ် (၅) သိန်းတန်ဖိုးရှိ PPE ဝတ်စုံ၊ Mask ၊ Handgel ၊ လက်အိတ်၊ လယ်ရှည်ဖိနပ်၊ လက်သန့် ဆေးရည်တို့ကို ရွှေညောင်၊ ညောင်ရွှေတို့ကို သွားရောက်လှူဒါန်းကြပြီး ပင်းတယ၊ ရွာငံမြို့များကိုလည်း ဆက်လက် လှူဒါန်းသွားမည်ဖြစ်ကြောင်း သိရသည်။
မောင်မောင်သန်း(တောင်ကြီး)
