နေပြည်တော် ၁၈ ဒီဇင်ဘာ
ရှမ်းပြည်နယ်ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ဒီဇင်ဘာ ၁၇ ရက်က ဟိုပုံးမြို့နယ်၊ ပန်းလျှန်းကျေးရွာ အနောက်တောင်ဘက် ၁ မိုင်ခန့်အကွာ၌ အမြင့် ၆ လက်မခန့် ဖွံ့ဖြိုးဆဲ ဘိန်းစိုက်ခင်း ၉ ဧကခန့်အား ဖျက်ဆီးခဲ့သည်။
အလားတူ ဒီဇင်ဘာ ၁၇ ရက်က ပင်လောင်းမြို့နယ်၊ ထီနားကောင်းကျေးရွာ အရှေ့ဘက် ၃ မိုင်ခန့်အကွာ၌ အမြင့် ၂ ပေခွဲခန့် သီးပွင့်ဆဲ ဘိန်းစိုက်ခင်း ၂၂.၅ ဧက၊ လုံးကြိမ်းကျေးရွာ အနောက်မြောက်ဘက် ၂ မိုင်ခန့်အကွာ၌ အမြင့် ၁ ပေခွဲခန့် သီးပွင့်ဆဲ ဘိန်းစိုက်ခင်း ၁၁ ဧက၊ ဆီဆိုင်မြို့နယ်၊ ပန်အွန်းကျေးရွာ၏ တောင်ဘက် ၂ မိုင်ခွဲခန့်အကွာ၌ အမြင့် ၁ ပေခွဲ့ခန့် သီးပွင့်ဆဲ ဘိန်းစိုက်ခင်း ၁၃ ဧက၊ ကျိုင်းတုံမြို့နယ်၊ ဖားငဲ့(၁)ကျေးရွာ၏ အရှေ့တောင် ၄ မိုင်ခန့်အကွာ၌ အမြင့်ပေ ၂ ပေခွဲခန့် သီးပွင့်ဆဲ ဘိန်းစိုက်ခင်း ၆.၅ ဧက၊ မိုင်းဖြတ်မြို့နယ်၊ နာပေါတီကျေးရွာအနီး၌ အမြင့် ၈ လက်မမှ ၁ ပေခန့် ထိဖွံ့ဖြိုးဆဲ ဘိန်းစိုက်ခင်း ၄ ဧက၊ မိုင်းဆတ်မြို့နယ်၊ ကျတီကျေးရွာ အနီး၌ အမြင့် ၅ လက်မခန့် ဖွံ့ဖြိုးဆဲ ဘိန်းစိုက်ခင်း ၁ ဧကခန့်နှင့် ခပ်ဖူထွန်ကျေးရွာအနီး၌ အမြင့် ၅ လက်မခန့် ဖွံ့ဖြိုးဆဲ ဘိန်းစိုက်ခင်း ၀.၅ ဧကခန့်တို့အား သက်ဆိုင်ရာ မြို့နယ်ရဲတပ်ဖွဲ့များက အသီးသီးဖျက်ဆီးခဲ့ကြောင်း သတင်းရရှိသည်။
ရဲပြန်ကြား