သက်ကြီးဘိုးဘွားများ ကျန်းမာသန်စွမ်းစေရန်

နေပြည်တော် ၁ မေ

• သက်ကြီးဘိုးဘွားနှင့် အာဟာရ

• ကိုယ်ကာယလှုပ်ရှားမှုနှင့် သက်ကြီးဘိုးဘွားကျန်းမာရေး

• ဆေးလိပ်နှင့် သက်ကြီးဘိုးဘွားကျန်းမာရေး

• အရက်နှင့် သက်ကြီးဘိုးဘွားကျန်းမာရေး

• သက်ကြီးဘိုးဘွားနှင့် ထိခိုက်ဒဏ်ရာ

• ကင်ဆာရောဂါနှင့် သက်ကြီးဘိုးဘွား

• နှလုံးရောဂါနှင့် သက်ကြီးဘိုးဘွား

• ပျော်ရွှင်တက်ကြွ သက်ကြီးဘဝ

သက်ကြီးဘိုးဘွားနှင့်အာဟာရ

• သက်ကြီးဘိုးဘွားများအနေဖြင့် သစ်သီး၊ သစ်ဥ၊ ပဲမျိုးမျိုး၊ နို့နှင့်နို့ထွက်ပစ္စည်းနှင့် လတ်လတ်ဆတ်ဆတ်သားငါးများကို စားသုံးသင့်ပါသည်။

• ဝမ်းမချုပ်စေရန်အတွက် ဟင်းသီးဟင်းရွက်များများ စားသုံးသင့်သလို တစ်နေ့လျှင် အနည်းဆုံး ရေ(၆)ခွက်မှ (၈)ခွက် (၁၀ဝ၀ မှ ၂၀ဝ၀ စီစီ) ၂ လီတာခန့် သောက်သုံးသင့်ပါသည်။

• သက်ကြီးဘိုးဘွားများတွင် သွားမကောင်းသည့် ပြဿနာရှိသဖြင့် အစားအသောက်ပြင်ဆင်သည့်အခါ အဝါးရလွယ်ကူစေရန် သေးနိုင်သမျှ အသေးဆုံးလှီးဖြတ်၍ နူးညံ့ပျော့ပျောင်းအောင် ပြင်ဆင်ပေးရန် လိုအပ်ပါသည်။

• အစာစားလျှင် မိသားစုဝင်တစ်ယောက်နှင့်အတူ အဖော်ပြုစားသင့်ပါသည်။

ကိုယ်ကာယလှုပ်ရှားမှုနှင့် သက်ကြီးဘိုးဘွားကျန်းမာရေး

သက်ကြီးဘိုးဘွားများ အနေဖြင့် တစ်ပတ်လျှင် (၃)ရက်မှ (၅)ရက်အထိ တစ်ကြိမ်လျှင် မိနစ်(၃၀)မှ မိနစ်(၆၀)ကြာအောင် သင့်လျော်သော ကိုယ်ကာယလှုပ်ရှားမှု ပြုလုပ်သင့်ပါသည်။

• အားကစားနှင့် ကိုယ်ကာယ ပညာဦးစီးဌာနမှ ရေဒီယို၊ ရုပ်မြင်သံကြားတို့မှ ထုတ်လွှင့်နေသော လေ့ကျင့်ခန်းများ လုပ်ပေးနေခြင်း

• လမ်းမှန်မှန်လျှောက်ခြင်း

• အသက်ရှူလေ့ကျင့်ခန်း ပြုလုပ်ပေးခြင်း

• ကြွက်သားများ၊ အရိုးအဆစ်များကို နှိပ်နယ်ပေးခြင်း

ဆေးလိပ်နှင့် သက်ကြီးဘိုးဘွား ကျန်းမာရေး

• ဆေးလိပ်သောက်ခြင်းကြောင့် နာတာရှည် ချောင်းဆိုးရောဂါများအပြင် ကင်ဆာရောဂါများ၊ နှလုံးသွေးကြောကျဉ်းရောဂါ၊ သွေးတိုးရောဂါများ၊ လေဖြတ်ခြင်းနှင့် အရိုးပွရောဂါများ ပိုမိုဖြစ်ပွားနိုင်ပါသည်။

• ထို့ကြောင့် ဆေးလိပ်သောက်သော အဘိုးအဘွားများအနေဖြင့် ဆေးလိပ်ဖြတ်ရန် လိုအပ်ပါသည်။

ဆေးလိပ်ဖြတ်သည့် နည်းလမ်းများ

• မီးခြစ်၊ ဆေးလိပ်ခွက်၊ ဆေးလိပ်စသည်တို့ကို မြင်သာသည့် နေရာ၌ မထားရပါ။

• အဘိုးအဘွားများရှေ့တွင် ဆေးလိပ်သောက်ခြင်းမှ ရှောင်ကြဉ်ပါ။

• အဘိုးအဘွားများ ဆေးလိပ်ဖြတ်ခြင်းကို မိသားစုမှ ဝိုင်းဝန်းအားပေးဖို့ လိုပါသည်။

• ဆေးလိပ်သောက်ချင်စိတ် ပေါ်လာပါက စိတ်ပြေလက်ပျောက် တစ်ခုခု ထလုပ်ပါ။ အာရုံကို ပြောင်းပစ်လိုက်ပါ။

• ကိုယ်လက်လေ့ကျင့်ခန်း ပိုမိုလုပ်ရန် လိုအပ်ပါသည်။

ယခုဖော်ပြချက်အား ပြည်သူ့ကျန်းမာရေးဦးစီးဌာန၊ ကျန်းမာရေး အသိပညာ မြှင့်တင်ရေးဌာနနှင့် ကုလသမဂ္ဂကလေးများ ရန်ပုံငွေအဖွဲ့တို့ ပူးပေါင်းထုတ်ဝေသည့် ကျန်းမာရေးဆိုင်ရာ စံပြုအချက်အလက်များ စာအုပ်မှ ကူးယူဖော်ပြပါသည်။

MDN