ခန္တီး ၁၉ ဇူလိုင်
၂၀၂၀ ပြည်နှစ် (၇၃)နှစ်မြောက်အာဇာနည်နေ့ အခမ်းအနားကို စစ်ကိုင်းတိုင်းဒေသကြီး ခန္တီးမြို့ ဗိုလ်ချုပ်ကြေးရုပ်ရှေ့၌ ယနေ့နံနက် ၁၀ နာရီ ၃၇ မိနစ်အချိန်က အာဇာနည်ခေါင်းဆောင်ကြီး ကိုးဦးအား ဂါရဝပြုခြင်းကို တိုင်းဒေသကြီး လွှတ်တော်ကိုယ်စားလှယ် ဦးမောင်တေးနှင့် တက်ရောက်လာသည့် အရပ်ဖက် လူမှုအဖွဲ့အစည်းများ၊ နိုင်ငံရေးပါတီကိုယ်စားလှယ်များ၊ အဖွဲ့ဝင်များက လွမ်းသူပန်းခွေချခြင်းနှင့် တစ်မိနစ်ဂါရဝပြုခဲ့ကြကြောင်း သိရသည်။
အာဇာနည်နေ့အခမ်းအနားကို ယခင်နှစ်များတွင် ခန္တီးမြို့နယ်ပြည်သူ့အားကစားရုံတွင် စည်ကားသိုက် မြိုက်စွာဂါရဝပြုခြင်း အခမ်းအနားကို ကျင်းပခဲ့သော်လည်း ယခုနှစ်တွင် COVID-19 ကြိုတင်ကာကွယ်သည့် အနေဖြင့် ကျန်းမာရေးဦးစီးဌာနညွှန်ကြားချက်နှင့်အညီ လူစုလူဝေးမဖြစ်အောင် Social Distancing အတိုင်း စီစဉ်ပြီး အကျဉ်းချုပ်ကျင်းပခဲ့ကြောင်း သိရသည်။
စနေမောင်မောင်(ခန္တီး)
