ဘဂ္ဂဒက် ဒီဇင်ဘာ ၇
အီရတ်နိုင်ငံရှိ အမေရိကန်ဦးဆောင်သော ညွန့်ပေါင်းတပ်ဖွဲ့ဝင်များ ရုပ်သိမ်းရန် အရေးနှင့်ပတ်သက်၍ ဗြိတိန်နိုင်ငံခြားရေးဝန်ကြီး လစ်ထရပ်စ်နှင့် အီရတ်ဝန်ကြီးချုပ် မူစတာ ဗာအယ်လ်ခါဟီမီတို့အကြား တယ်လီဖုန်းမှ တစ်ဆင့် ယနေ့ဆွေးနွေးခဲ့ကြောင်း သိရသည်။
အဆိုပါ ဆွေးနွေးမှုများအတွင်း အမေရိကန်ဦးဆောင်သော ညွန့်ပေါင်းတပ်ဖွဲ့ဝင်များအား တိုက်ခိုက်ရေးတာဝန်များ ထမ်းဆောင်ခြင်းမှ ရုပ်သိမ်းရန် နှစ်နိုင်ငံတာဝန်ရှိသူများ အမြင်ချင်းဖလှယ် ဆွေးနွေးခဲ့ကြကြောင်း အီရတ် ဝန်ကြီးချုပ်ရုံးမှ ထုတ်ပြန်ချက်အရ သိရသည်။
ထို့ပြင်ဗြိတိန်နှင့် အီရတ် နှစ်နိုင်ငံ ပူးပေါင်း၍ အိုင်အက်စ်စစ်သွေးကြွများအား နှိမ်နင်းရေးအပါအဝင် နှစ်နိုင်ငံက စုံ၌ ပူးပေါင်းဆောင်ရွက်ရေးမြှင့်တင်ရန်လည်း ဆွေးနွေးခဲ့ကြကြောင်း သိရသည်။ အီရတ်တပ်ဖွဲ့ဝင်များအား အကြံပေးအဖြစ် ဆောင်ရွက်နေသော ညွန့်ပေါင်းတပ်ဖွဲ့ဝင်အချို့မှလွဲ၍ တိုက်ခိုက်ရေး တာဝန်ထမ်းဆောင်နေသော ညွန့်ပေါင်း တပ်ဖွဲ့ဝင်များသည် ၁၅ ရက်အတွင်း အီရတ်နိုင်ငံမှ ပြန်လည်ဆုတ်ခွာရမည် ဖြစ်ကြောင်း အီရတ်နိုင်ငံပူးတွဲစစ်ဆင်ရေး ဌာနချုပ်မှ ပြောရေးဆိုခွင့်ရှိသူ တက်ချ်ဆီး အယ်လ်ကဖားချီက နိုဝင်ဘာ ၂၄ ရက်တွင် ပြောကြားသည်။
ကိုးကား-ဆင်ဟွာ
ဘာသာပြန်-စိုးသူရ
